DILI, 08 Abríl 2025 (TATOLI) – Diresaun Nasionál Infraestrutura no Komunikasaun (DNIK), Ministériu Transporte no Komunikasaun, arrekada reseita rihun $65 iha trimestre dahuluk 2025.
Reseita sira ne’e maihusi fonte rua mak aluga kabu fibra husi torre Eletrisidade Timor-Leste (EDTL) no domain internét.
Diretór Nasionál Infraestrutura no Komunikasaun, Ambrosio Amaral, adianta kona-ba ezekusaun Orsamentu Jerál Estadu nian ba trimestre dahuluk foin ezekuta 21% ekivalente ba rihun $600 husi totál orsamentu alokadu hamutuk millaun $2,9.
Nia esplika katak ezekusaun 21% ne’e maihusi serbisu lorloron nian ba iha viajen lokál tékniku sira-nia no pagamentu ba saláriu.
Orsamentu ne’ebé DNIK ezekuta ne’e bazeia ba serbisu lei orgánika MTK artigu 17 ne’ebé akumula funsaun tolu importante hanesan responsabilidade konesaun ba infraestrutura rede fibra ótika ba ajénsia Governu hotu iha Timor-Leste, sai jestór distribuisaun bandalarga bandwidth internet ba instituisaun Estadu no sai servisu operasionál ba rejistu domain.tl.
Notísia relevante: DNIK fasilita rede internet ba instituisaun Estadu 606 durante tinan 2024
Jornalista: Arminda Fonseca
Editora: Maria Auxiliadora
