DILI, 14 Abríl 2025 (TATOLI)—Asistente matebian Zizelma Verdial Gonçalves, Estaquio Guterres, submete ona rekursu hodi kontesta desizaun Tribunál Judisiál Primeira Instánsia Dili ne’ebé aplika pena prizaun tinan tolu suspende ba tinan haat ne’ebé aplika ba arguidu MSC.
“Atu informa de’it, rekursu ami hatama ohin (14/04). Depoizde ida-ne’e, kompeténsia Tribunál Judisiál Primeira Instánsia nian bainhira mak sira hasa’e rekursu ne’e ba Tribunál Rekursu. Más, kona-ba fundamentasaun saida ne’e ami enkaixa bá ona iha rekursu laran. Konserteja ami fundamenta iha rekursu ne’e, ami la simu desizaun ne’ebé Tribunál Primeira Instánsia aplika ba iha arguidu,” Estaquio hateten ba jornalista sira hafoin submete rekursu ba Tribunál Judisiál Primeira Instánsia Dili, Kaikoli, segunda ne’e.
Notísia relevante:PJR sei hatún despaisu relasiona ho desizaun ba kazu Zizelma Gonçalves
Nia konsidera katak desizaun aplika pena prizaun tinan tolu suspende bá tinan haat husi Tribunál ne’e la justu no la edukativu.
“La justu no la edukativu ne’e mak ami halo rekursu ne’e. Hanesan asistente ba lezada nia família, ha’u halo tuir ha’u-nia servisu ne’ebé mak iha hodi hato’o rekursu,” Defensór Públiku ne’e esplika.
Jornalista: Natalino Costa
Editór: Xisto Freitas da Piedade
