DILI, 22 Abríl 2025—Prezidente Repúblika, José Ramos Horta, hetan kumprimentu husi Liurai Simeon II husi Bulgária (Simeon Saxe-Coburgo-Gotha), iha segunda (21/04) tuku 15:30, bainhira Xefe Estadu ho nia delegasaun vizita hela Igreja ikónika Boyana no Muzeu Nasionál Istória Bulgária.
Enkontru ne’e importante no iha sentidu ne’ebé klean hodi halibur figura proeminente na’in-rua ho viajen moris nian ne’ebé marka ho kompromisu ba sira-nia povu nia dignidade no respeitu ba memória istórika.
Liurai Simeon II halo esforsu espesiál ida hodi pesoalmente halo viajen ba fatin ne’e, ne’ebé oportunidade ne’e parte rua fahe interkámbiu badak.
Notísia relevante : PR Horta hala’o vizita Estadu bá Bulgaria no Reinu Unidu
Ambiente ne’e aumenta signifikadu tanba Muzeu Istória Nasionál lokaliza iha antigu Palásiu Rezidénsia Boyana nian, ne’ebé uluk hanesan rezidénsia ofisiál husi líder komunista búlgaru sira inklui Todor Zhivkov.
Enkontru ne’e antesede vizita ida bá Igreja Boyana, Patrimóniu Mundiál UNESCO nian, ne’ebé koñesidu tanba nia afresku hamutuk 1259 ne’ebé konsidera hanesan prekursór sira Renascimentu Europeu no reprezenta imajen ida hosi patrimóniu espirituál no kulturál Bulgária nian.
TATOLI
