Komemora ezisténsia partidu CNRT ba dala-18 nu’udar momentu reflesaun
DILI, 28 Abríl 2025 (TATOLI)—Vise-Prezidente Bankada Congresso Nacional de Reconstrução de Timor (CNRT) iha Parlamentu Nasionál (PN), Patrocínio dos Reis Fernandes, konsidera komemorasaun ezisténsia partidu ba dala-18 (27 Abríl 2007- 27 Abríl 2025) nu’udar momentu reflesaun.
“Hato’o parabéns ba kuadru no militante tomak partidu iha territóriu Timor laran tomak ne’ebé komemora 18 anos ezisténsia partidu,” Vise-Bankada ne’e hato’o liuhusi reuniaun plenária PN, segunda ne’e.
Notísia relevante : Bankada CNRT husu Governu reforsa reforma justisa
Nia husu liuhusi komemorasaun ida-ne’e atu kuadru hotu-hotu bele halo reflesaun.
“Liuliu kuadru sira ne’ebé haknaar-an iha instituisaun públika sira atubele asume responsabilidade tuir polítika ne’ebé partidu orienta no partidu hatuur ona iha vizaun no misaun partidu nian hodi serbí di’ak liu povu no nasaun,” nia hato’o.
Partidu CNRT sai vensedór ba eleisaun Parlamentár 2024 hodi hetan kadeira 31 iha Parlamentu no halo koligasaun ho Partidu Demokrátiku (PD) ho kadeira neen, nune’e hetan maioria Parlamentár ho kadeira 37 no forma IX Governu Konstituisionál.
Jornalista : Nelson de Sousa
Editora : Julia Chatarina
