iklan

JUSTISA, HEADLINE

PTR Afonso Carmona komprometidu hasa’e númeru juíz hodi reforsa STJ

PTR Afonso Carmona komprometidu hasa’e númeru juíz hodi reforsa STJ

Prezidente Tribunál Rekursu, Afonso Carmona. Imajen Tatoli/António Daciparu

DILI, 29 Abríl 2025 (TATOLI)–Prezidente Tribunál Rekursu (PTR) foun, Afonso Carmona, komprometidu durante nia mandatu tinan-haat sei hasa’e númeru juíz iha Tribunál hodi haforsa servisu iha Supremu Tribunál Justisa (STJ).

“Ha’u komprende katak iha tempu ohin dezafiu sei aumenta liután mudansa dezenvolvimentu tékniku globál fó ita atu adapta matenek. Durante ha’u-nia mandatu sei hasa’e kualidade desizór sira, liuhusi hasa’e kapasidade juíz sira-nian, aumenta númeru juíz hodi reforsa Supremu Tribunál Justisa iha tempu badak no Tribunál sira seluk,” Afonso Carmona iha nia diskursu bainhira simu pose husi Xefe Estadu iha Palásiu Prezidensiál, Bairro Pité, tersa ne’e.

Notísia relevante: PR Horta husu PTR foun atu kontinua hametin konfiansa públika ba sistema justisa

Nia dehan, moderniza mós sistema judisiáriu hodi uza telekomunikasaun informativa, hametin integridade justisa, promove juíz sira-nia klase no valoriza juíz sira.

Carmona promete katak iha nia mandatu sei aumenta asesu justisa hodi fó prioridade ba ema vulnerável sira atu hatudu katak justisa ne’e integridade no profisionál.

Iha biban ne’e, Carmona mós agradese ba Prezidente Tribunál Rekursu sesante, Deolindo dos Santos tanba durante nia mandatu nia halo inovasaun ba sistema judisiáriu iha-ne’ebé hadi’a sistema justisa.

Jornalista: Natalino Costa

Editór: Xisto Freitas da Piedade

iklan
iklan

Leave a Reply

iklan
error: Content is protected !!