DILI, 07 Maiu 2025 (TATOLI) – Ofisiál no asistente Santa Sé besik 100 ne’ebé inklui iha eleisaun Papa foun halo juramentu iha Kapela Paulina iha segunda ne’e, antes loron rua tama ba Konklave.
Ritu ne’e ho objetivu atu garante intergridade elisaun Papa foun, hatuir nota husi Vatikanu.
“Ha’u promote no jura atu observa sergredu absoluta ho ema ne’ebé la’ós membru husi Koléjiu Kardeál eleitór sira-nian, no ida-ne’e perpetuidade, esetu ha’u simu fakuldade espesiál fó epresamente husi Pontífise ne’ebé foin heleitu ou husi nia Susesór sira, relasiona ho buat ne’ebé direta no indiretamente ba eleisaun no eskrutíniu ba eleisaun Sumu Pontífise nian”, hateten husi trexu ida iha juramentu nian.
Segredu absoluta mós iha futuru kona-ba saida maka akontese iha Sidade Vatikanu durante Konklave, no liuliu kona-ba saida maka “iha relasaun ho operasaun sira ne’ebé iha ligasaun ho eleisaun” Amu-Papa foun nian, inklui respeita ba proibisaun instrumentu sira gravasaun audiu no vídeo, ho pena eiskomunikasaun.
Ne’e mak konteúdu husi juramentu ne’ebé halo iha segunda-feira, loron 5 fulan-Maiu, ne’ebé hala’o iha Kapela Paulina, hanesan ezije husi Universi Dominici Gregis, Konstituisaun Apostólika ne’ebé promulga husi Amu-Papa João Paulo II iha tinan 1996.
Juramentu ne’e halo husi “sira hotu ne’ebé sei hala’o funsaun iha Konklave tuirmai, tantu ekleziástika no leigu sira ne’ebé hetan aprovasaun husi Carromeru na’in-tolu asistente Kardeál sira”.
Aleinde sekretáriu Koléjiu Kardeál sira-nian no mestre Selebrasaun Litúrjika Pontifísiu nian, Dom Diego Ravelli, marka prezensa figura serimónia pontifísiu na’in-hitu; ekleziástiku ne’ebé kardeál ne’ebé prezide Konklave hili atu tulun nia iha ninia knaar; relijiozu agostinianu na’in-rua ne’ebé responsavel ba Sakristia Pontifísiu; ema relijiozu sira ho lian oioin ba konfisaun sira; médiku no enfermeiru sira; operadór elevadór sira Palásiu Apostóliku nian; sira ne’ebé responsavel ba kafetaria no servisu limpeza nian; florista tékniku sira; ema sira ne’ebé iha responsabilidade atu tula votante sira husi Casa Santa Marta bá Palásiu Apostóliku; koronél no maiór ida husi Guarda Suisa Pontifisiál, ne’ebé responsavel ba vijilánsia besik Kapela Sistina; diretór Servisu Seguransa no Protesaun Sivíl Estadu Sidade Vatikanu nian ho ninia kolaboradór balun.
Hafoin hetan instrusaun kona-ba signifikadu juramentu nian, sira hotu pronunsia no asina fórmula ne’ebé preskreve rasik, iha Kardeál Kevin Joseph Farrell nia oin, Camerlengo husi Santa Igreja Romana, no Protonotáriu Apostóliku na’in-rua.
Antes ba Konklave, Kardeál eleitór 133 iha hotu ona Vatikanu hodi partisipa iha Konklave atu hili Papa foun, ne’ebé sei hala’o iha loron 07 Maiu, tuku 10h00 oras Roma (tuku 17h00 otl).
Konklave ne’e inisia ho misa solene ba eleisaun Papa, ne’ebé sei partisipa husi Koléjiu Kardeál atu husu orientasaun espíritu santu iha eskolla Papa foun.
Haktuir husi Antara News, Kardeál eleitór sira sai husi Kapela Paulina bá Kapela Sistina no husu sira atu tau liman iha Sagrada Eskritura no halo juramentu ba sijilu iha eleisaun ba Papa.
Depoizde Kardeál hotu tama iha sala, Mestre Selebrasaun Litúrjika Pontifísia sei temi ‘Extra Omnes!’ no tuirmai odamatan kapela nian xave metin.
Haktuir husi Vatican News, serbisu preparativu nian iha Kapela Sistina no akomodasaun iha Casa Santa Marta rua agora pratikamente kompletu ona, no kardeál sira sei bele halo check-in hahú husi loron-tersa dadeer.
Eleitór kardeál sira sei bele halo viajen husi Casa Santa Marta bá Kapela Sistina tuir sira-nia hakarak, inklui la’o ain, maibé tuir dalan protejidu.
Notísia relevante: Kardeál eleitór 133 iha ona Vatikanu no partisipa iha Konklave aban
Jornalista: Hortencio Sanchez
Editora: Maria Auxiliadora
