DILI, 07 Maiu 2025 (TATOLI) – Kardeál sira daudaun ne’e partisipa ona iha misa, iha tuku 10h00 oras Vatikanu, tuku 17h00 oras Timor-Leste, iha Bazílika São pedro, antes hahú Konklave.
Misa Pró Elijendu Pontifise ne’e prezide husi Kardeál Gionvanni Battista Re, Dekanu Koléjiu Kardionalísiu no durante selebrasaun ne’e sei halo omília.
Iha meiu-dia, Kardeál sira sei halo pauza ba almosu no períodu ikus ba reflesaun nian.
Iha tuku 15:45 oras lokál (22h45 otl), Kardeál sira sei sai husi Casa Santa Marta bá Palásiu Apostóliku hodi hahú Konklave.
Iha lokál sira sei kanta “Spiritus Sanctus, inu latinu ida.
Depoizde Kardeál hotu tama iha sala, Mestre Selebrasaun Litúrjika Pontifísia sei temi ‘Extra Omnes!’ no tuirmai odamatan kapela nian xave metin.
‘Extra Omnes’ mak fraze iha lian Latina ne’ebé signifika “ema hotu sai bá li’ur” ka “ema hotu iha li’ur”. Ne’e mak orden ida ne’ebé fó husi Mestre Selebrasaun Litúrjika Pontifísia atu marka inísiu Konklave papál, bainhira Kardeál sira iha ona Kapela Sistina ne’ebé taka metin atu hili Papa foun.
Eleisaun ne’e presiza dois terços, ka eleitór 89, atu prienxe rekizitu hili Papa foun.
Notísia relevante: Kardeál sira ko’alia kona-ba perfíl Papa foun iha Kongregasaun Jerál dahikus nian
TATOLI
