DILI, 09 Maiu 2025 (TATOLI)—Kardeál husi Amérika, Robert Francis Prevost, ofisialmente anúnsiu sai Papa foun iha kinta (08 Maiu 2025) no nia hili naran Papa Leão XIV .
Notísia Relevante: Igreja Katólika iha Papa foun: Kardeál Robert Prevost eleitu ho naran Leão XIV
Hili naran ida-ne’e la’ós tanba formalidade, maibé nakonu ho signifikante no konsidera hanesan indikadór ba ninia vizaun no desizaun polítika papal nian. Tuir peritu sira, naran ne’ebé Papa ida hili reprezenta ka refleta karáter, espíritu, no prioridade ne’ebé nia hakarak no lori durante ninia mandatu.
Iha tradisaun Katólika, laiha regra eskrita ida kona-ba Papa nia naran, maibé naran referidu baibain nu’udar privileiju ida ba figura Papa anteriór ne’ebé karik nia gosta.
Mundu hotu hatene katak, naran ne’ebé Prevost hili ne’e tuir modelu figura importante rua iha istória Igreja Katólika mak Papa Leão I no Papa Leão XIII.
Legadu Papa Leão XIV na’in rua
Papa Leão I, ne’ebé lidera iha sékulu da-lima (5), koñesidu tanba ninia brani ba ameasa polítika, inklui bainhira nia diretamente aproxima Attila the Hun atu labele atake Roma. Nia mós respeitadu hanesan grande pensadór no defensór ba dutrina igreja nian.
Aleinde ne’e, Papa Leão XIII, nia lidera husi tinan 1879 to’o 1903, nu’udár autór ba ensiklika “RERUM NOVARUM” ka dokumentu importante kona-ba justisa sosiál no direitu traballadór iha tempu revolusaun indústria. Dutrina ida-ne’e sai baze ba pensamentu sosiál Katólika moderna.
Tanbasá hili naran “Papa Leão XIV ”?
Husi Papa Leão I no Papa Leão XIII nia istória, Robert Francis Prevost hili naran ne’e indikasaun boot katak nia sei hatutan espíritu reformasaun sosiál no hakbiit dutrina Igreja iha hasoru dezafiu mundu kontemporanea, inklui dezigualdade ekonómika, impaktu globalizasaun, no étika ligasaun ho teknolojia hanesan Inteleijensia artifisiál.
Papa ba da-267 ne’e hakarak halo tuir líder ne’ebé forte no progresivu refere, ho kombinasaun assertividade iha hasoru dezafiu globál no kompromisu ba justisa sosiál no dutrina reformasaun nian.
Asuntu ida-ne’e Potravós Vatikanu, Matteo Bruni, konsidera loos no nia dehan katak naran “Leão XIV” ne’e refere ba dutrina sosiál Igreja Katólika.
“Selesaun naran ne’e hatudu katak Papa Leão XIV provavelmente sei fó foti no fó prioridade ba konteúdu sosiál, inklui kontestu foun hanesan impaktu husi intelejénsia artifisiál no globalizasaun ne’ebé deziguál,” Peritu Vatikanu, Francois Mabille hateten.
Aleinde ne’e, peritu barak mós haree katak eskolla ida-ne’e nu’udár kontinuasaun husi espíritu ne’ebé Papa Francisco husik hela, ne’ebé koñesidu tanba serbí ema mukit sira no luta kontra injustisa globál.
Istória no tradisaun Papa nia naran
Husi Papa 266 antes Papa Leão XIV , kuaze metade hili naran foun bainhira eleitu.
Tradisaun ne’e hahú iha sékulu 11 hanesan simbólu kontinuidade no onra ba Papa anterior.
Maibé, hahú husi meadu sékulu 20, naran Papa baibain uza atu hanesan tadak ida ba vizaun pirvadu papadu.
Naran Leão ne’e rasik inklui naran ida koñesidu (=lima besar) ne’ebé Papa sira uza hanesan João, Bendito, Gregorio no Clemen.
Naran Leão ne’e uza tiha ona ba da-13 husi Papa sira anteriór, no Papa Prevost sai Papa Leão ba da-14.
Notísia Relevante: Papa sira ne’ebé lidera ona Igreja Katólika iha istória: Husi São Pedro to’o Papa Francisco
TATOLI
