MOP sei konstrui ponte permanente lima
DILI, 23 Maiu 2025 (TATOLI) — Ministériu Obra Públika, kontratua ona kompañia balu atu halo konstrusaun ponte permanente fatin lima iha munsípiu sira.
Ministru Obra Públika, Samuel Marçal, esplika, ponte hirak-ne’ebé sei konstrui ne’e mak hanesan; ponte Tutuluru iha munisípiu Manufahi, Sana iha Postu Administrativu Uatulari Vikeke, ponte Samalari Baukau, suku Liurai iha Aileu no suku Laisorulai iha Baukau.
“Ponte provizóriu halo ba permanente ne’e hamutuk lima, husi lima ne’e balu asina kontratu ona no balu sei iha hela Ajénsia Dezenvolvimento Nasionál, halo verifikasaun molok lansa ba konkursu públiku,” Samuel Marcçal, hateten iha Palásiu Governu , Dili.
Nia esplika, daudaun ne’e atu halo uluk ponte pemanente ne’e mak lima, maibé balu daudaun téknniku sira sei dezeña hela ponte balu tán hafoin haruka ba ADN halo verifikasaun molok lansa ba Komizasaun Nasionál Aprovizoniamentu.
Ponte lima ne’e MOP kontrta ona empreza balu hahú ona serbisu mak hanesan ponte Tutuluru ne’e rasik sei konstrui husi kompañia internasionál ho naran “Group Guang Ping Intersional Sarl (CONGO) ho montante millaun $2,6, ponte suku Liurai husi kompañia internasionál nafatin Intersional Sarl (CONGO) millaun $2-resin, ponte Samalari kaer husi kompañia MCC20 Grup Corp, Ltd orsamentu millaun $4-resin no restu sei iha prosesu laran.
“Orasamenru ne’ebé ita aloka valór la hanesan, konstrusaun depende ba dezeñu detalladu sira ne’e,” nia konklui.
Notísia relevante : https://tatoli.tl/2025/03/27/mop-hatuur-fatuk-dahuluk-ba-konstrusaun-ponte-samalari/
Jornalista : Arminda Fonseca
Editór : Evaristo Soares Martins
