KOVALIMA, 28 Maiu 2025 (TATOLI) – Ekipa konjunta husi Ministériu Administrasaun Estatál (MAE) halo monitorizasaun ba implementasaun projetu Programa Nasionál Dezenvolvimentu Suku (PNDS), iha Munisípiu Kovalima.
Ekipa konjunta interna mai husi MAE, Sekretáriu Estadu Dezenvolvimentu Lokál, hanesan PNDS, PDIM Nasionál no mai iha Kovalima bazeia ba despaixu husi Ministru MAE atu monitoriza implementasaun projetu Programa Dezenvolvimentu Suku (PNDS) no Planu Dezenvolvimentu Integradu Munisipál (PDIM) ne’ebé mak la’o hela.
Tuir oráriu, ekipa konjunta ne’e halo monitorizasaun projetu PDNS no PDIM iha Postu administrativu Suai, Zumalai, Maukatar no Tilomar.
“Ami mai iha munisípiu Kovalima atu monitoriza implementasaun projetu PNDS no PDIM ne’ebè la’o hela atu haree nia progresu fíziku iha terrenu tama ona Maiu oinsá ona”, Responsavel ekipa konjunta MAE, Virgilio da Costa, relata ba jornalista, iha resintu AMC, ohin.
Ekipa halo monitorizasaun nune’e bele iha informasaun adekuada atu pasa informasaun ba liña miniteriál tanba presiza mai iha terrenu atu observa implementasaun projetu iha munisípiu Kovalima.
Ekipa konjunta ne’e foku halo monitorizasaun implementa projetu PNDS hahú 2023 to’o 2024 no implementa projetu PDIM.
Bazeia informasaun katak implementasaun projetu Kovalima la iha problema ho orientasaun husi Ministru nune’e bele hetan informasaun ne’ebé mak viabel husi munisípiu ho nasionál hanesan nune’e pasa informasaun ba mídia hanesan de’it.
Ekipa konjunta ne’e hala’o monitorizasaun ba implementasaun projetu PNDS no PDIM iha Kovalima durante loron tolu – hahú 28 to’o loron 30 Maiu ne’e.
Administradór Postu Maukatar, Laurentino de Jesus, relata, implementasaun Projetu PNDS iha postu Maukatar mak hanesan Kontrusaun Uma Naroman ba Povu plus A , UNP regulár no konstrusaun morru protesaun ba eskola sira.
“Implementasaun Programa PNDS ami submete ona relatóriu kona-ba projetu atu dada bee-moos sei halo planu”, nia informa.
Autoridade postu ne’e dehan, nia parte la rembra totál projetu hira mak iha Maukatar maibé, tuir nia, daudaun ne’e autoridade postu relata ona relatóriu kona-ba implementasaun projetu PNDS konstrui uma Naroman ba povu regulár no UNP plus A .
Tuir dadus, PNDS implementa programa konstrui UNP plus A iha postu Maukatar hamutuk unidade 75
Jornalista:Celestina Teles
Editór: Rafael Ximenes de A. Belo
