DILI, 18 Juñu 2025 (TATOLI) – Konsellu Ministru halo alterasaun dahuluk ba Dekretu-Lei númeru 1/2025 kona-ba Kódigu Aprovizionamentu no Kontratu Públiku foun.
Alterasaun ne’e halo ho objetivu atu estende tan ba fulan neen, to’o 01 Janeiru 2026, mak Kódigu Aprovizionamentu foun ne’e tama iha vigór.
Ministru Pleaneamentu no Investimentu Estratéjiku, Gastão de Sousa, esplika katak dekretu-lei ne’e iha Janeiru 2025 promulga ona no tenke aplika iha 01 Jullu tinan ne’e, maibé seidauk bele implementa tanba iha problema tékniku balun.
Governante ne’e esplika katak medida ne’e atu garante rejime jurídiku foun ne’e tama iha vigór ne’ebé ho efikás no koordenada, asegura kondisaun sira ne’ebé nesesária ba ninia implementasaun tomak, garante seguransa jurídika no tuir prinsípiu sira Administrasaun Públika nian, liuliu legalidade, efisiénsia no razoabilidade.
Notisía relevante: Governu implementa kódigu foun ba aprovizionamentu no kontratu públiku iha Jullu
Jornalista: Arminda Fonseca
Editora: Maria Auxiliadora
