DILI, 24 Juñu 2025 (TATOLI)—Komisáriu Komisaun Antí Korrupsaun (CAC-sigla portugeza), Rui Pereira dos Santos, hateten foin lalais ne’e CAC bolu Prezidente Autoridade Munisípiu (PAM) Aileu, João Bosco dos Santos ne’e halo identifikasaun, la’ós halo buska no apreensaun.
“Presiza esklarese no klarifika katak Komisáriu Komisaun Antí Korrupsaun marka prezensa iha Aileu ne’e atu notifika PAM Aileu mai halo identifikasaun hodi presta deklarasaun. Ita la bá halo buksa no apreensaun,” Rui Pereira hateten ba jornalista sira iha nia kna’ar fatin, Faról, Dili, tersa ne’e.
Komisáriu hatutan, asaun buska ne’e halo kuandu ne’e la halo dentru fragrante delito durante oras 72 nia laran.
Notísia relevante: PAM Aileu aprezenta keixa ba Ministériu Públiku kontesta atuasaun CAC
Komisáriu CAC ne’e afirma, buat sira-ne’ebé ema keixa ne’e tenke ba hatán, atu sala ka loos ne’e konforme prova ne’ebé autoridade sira prodús, ka CAC prodús, ka Ministériu Públiku prodús depois mak ba hatán iha Tribunál.
Jornalista: Natalino Costa
Editór: Xisto Freitas da Piedade
