BOBONARU, 26 Juñu 2025 (TATOLI)—Primeiru-Ministru (PM), Kay Rala Xanana Gusmão, no Bispu Dioseze Maliana, Dom Norberto do Amarál, akompañadu hosi Koordenadór Gabinete Apoia Sosiedade Sivil, Joaquim da Costa Freitas, kinta ne’e, observa rai ka fatin ne’ebé prepara atu harii Igreja Katedrál Maliana.
Notisia Relevante: Dom Norberto: “tinan 75 Colégio Maliana halo buat barak”
“Fatin ne’e kapaas no luan. Komu buat ne’e boot, ne’ebá labele halo iha tinan ne’e. Ita sei haree tau osan iha tinan sira mai, Se bele dezeñu ne’e halo lalais para ami ba diskute agora,” PM Xanana Gusmão hateten durante konversa ho Don Norberto do Amarál, iha terrenu.
Bispu Dioseze Maliana, Dom Norberto do Amarál, hateten bainhira dezeñu Planta no Kadernu Enkargu la Bill off Quantitative (BoQ) konklui ona sei aprezenta ba Governu.
“Sira tékniku dehan fulan-Jullu agora hotu ina entrega mai,”Tenik Prezidente Komferensia Episkopál Timorense ne’e
Enkuantu Fatin ne’e lokaliza iha Antigu KODIM iha suku Ritabou, postu administrativu Maliana, munisipiu Bobonaru hanesan rai misionáriu tempu Padre Manuel Luis nian.
Notisia Relevante: Bispu Dioseze Baucau inaugura sede Konferénsia Episkopál Timorense
Jornalista : Sergio da Cruz
Editór : Cancio Ximenes
