DILI, 02 Jullu 2025 (TATOLI) – Ministériu Transporte no Komunikasaun (MTK) rekolla, entre Janeiru no Juñu, reseita hamutuk millaun $5,6 ba kofre Estadu.
Diretór-Jerál Administrasaun no Finansa MTK, Aniceto Leto Soro, hateten reseita ne’ebé ministériu arrekada ne’e mai husi instituisaun tutela direta mak hanesan Diresaun Nasionál Transporte Terrestre (DNTT) hetan millaun $2,2, Diresaun Nasionál Serbisu Postál (DNSP) $11,078.55 no Diresaun Nasionál Infraestrutura no Komunikasaun (DNIK) $109.078,04.
Husi instituisaun autonomia haat seluk mak Administrasaun Navegasaun Aeroportuária Timor-Leste (ANATL,E.P) arrekada millaun $1,3, Autoridade Portuária Timor-Leste (APORTIL,I.P) $580,109.028, Autoridade Nasionál Komunikasaun (ANC,I.P) Millaun $1,2, no Autoridade Aviasaun Sivíl Timor-Leste (AACTL,I.P) $7.715.
Aniceto Leto Soro esplika katak husi instituisaun sira ne’ebé hatama reseita ne’e, dalaruma balun rekolla reseita aas no seluk tun. “Ida ne’ebé tun minitériu sempre alerta sira atu hatama rekolla tuir projesaun sira ne’ebé iha”.
Tuir projesaun, Ministériu Transporte no Komunikasaun presiza rekolla reseita hamutuk millaun $14,7 iha tinan ne’e.
Jornalista: Arminda Fonseca
Editora: Maria Auxiliadora
