MD submete projetu konstrusaun Portu Navál-Bairru Militár ba Sekretariadu Grande Projetu

DILI, 04 Jullu 2025 (TATOLI)-Ministru Defeza, Kontra Almirante Donaciano do Rosario da Costa Gomes, hateten submete ona prioridade ministériu nian konaba konstrusaun Portu Navál Hera no bairru militár iha área Beduku, suku Tibar, postu administrativu Bazartete, munisípiu Likisá ba Sekretariadu Grande Projetu atu konsidera.

“Projetu konstrusaun Portu Navál Hera, konstrusaun bairru militár iha Beduku no baze militár nivel batallaun norte husi Brigada Terrestre nian, ita submete ona ba Sekretariadu Grande Projetu atu konsidera, hodi projetu sira-ne’e bele implementa tinan-ne’e”, Ministru Pedro Klamar Fuik hateten ba jornalista sira iha Kuartél-Jenerál F-FDTL, Fatuhada, sesta-ne’e.

Nia dehan, ministériu no komandu F-FDTL hanesan na’in ba projetu sira-ne’e, kuandu Sekretariadu Grande Projetu konsidera.

Notísia relevante: Konklui iha tinan ne’e dezeñu ba Portu Naval Hera

Jornalista       : Natalino Costa

Editora           : Rita Almeida