Komunidade Beco apresia Governu ba reabilitasaun estrada no dada eletrisidade
KOVALIMA, 09 Jullu 2025 (TATOLI)- Komunidade iha Aldeia Gala,Suku Beco, Postu Administrativu Suai, Munisìpiu Kovalima apresia ba Governu da-sia ne’ebé lidera husi Primeiru-Munistru Kay, Rala Xanana Gusmão, tanba hahú konstrui ona estrada no eletrisidade hodi benefisia povu.
Abitante hato’o apresiasaun ne’e relasiona ho dada fiu eletrisidade no hadi’a ona estrada husi postu Zumalai ba to’o iha Aldeia Gala, Suku Beco, Postu Administrativu Suai.
Notísia relevante:Komunidade Suai Loro hulan materiál konstrusaun hodi hari’i eskola
“Ami kontente hahù tanba tinan barak la asesu estrada no eletrisidade, maibé ohin Governu hadi’a estrada no dada eletrisidade ba ami”, komunidade Gala Mariano Goncalves, hato’o nia sentimentu ba jornalista iha Aldeia Gala, ohin.
Iha tinan 2017, Xefe Aldeia ne’e dehan maske iha planu atu dada eletrisidade ba komunidade iha Gala, maibé la konsege dada.
“Dadaun ne’e, hadi’a ona estrada no dada mós eletrisidade tanba ne’e ami kontente ho esperansa ida katak Governu bele hasai ona ami husi nakukun laran”, nia apresia.
Iha sorin seluk, Abitante Armando Barreto espresa mós nia sentimentu kontente tanba Governu hadi’a ona estrada no dada eletrisidade.
“Ha’u kontente tanba Governu da-sia bele lori dezenvolvimentu mai to’o iha Aldeia Gala ho pakote hadi’a estrada no dada eletrisidade”, nia agradese.
Bazeia ba Observasaun jornalista TATOLI nota katak, Daudaun ne’e reabilitasaun estrada no dada fiu eletrisidade la’o hahù husi Aldeia bibèl Gala, Teda no Tobur hodi sira bele asesu eletrisidade no estrada.
Notísia relevante:Konstrusaun uma 63 ba família afetadu aeroportu Suai atinje ona 21%
Jornalista:Celestina Teles
Editór : Florencio Miranda Ximenes
