DILI, 19 Jullu 2025 (TATOLI)–Diretóra Jerál Desportu husi São Tome e Príncipe, Jorzita de Sousa garante sira-nia ekipa sei sai vensedór iha Jogu Desportivu Komunidade Nasaun Lian Portugés (CPLP-sigla portugeza) ba dala-XII 2025 iha Timor-Leste.
“Ami garante vitória,” Jorzita de Sousa informa ba TATOLI iha Aeroportu Internasionál Prezidente Nicolao Lobato Komoro, Dili, Sábadu ne’e.
Notísia relevante: Atleta husi Kontinente Áfrika to’o ona iha Dili
Nia konfesa maski viajen dook maibe São Tome e Príncipe iha atleta sira-ne’ebé preparada atu kompete ho atleta adversária sira seluk ne’ebé hola-parte iha Jogu CPLP.
São Tome e Príncipe iha modalidade lima kompostu husi Xadres, Atletizmu, Karate-do, Voliból Praia no Para-atletizmu ho totál atleta hamutuk na’in-34.
Jornalista: Natalino Belo
Editór: Xisto Freitas da Piedade
