DILI, 20 Jullu 2025 (TATOLI)-Abertura jogu desportivu husi komunidade Nasaun sira ne’ebé ko’alia lian-portugés (CPLP, sigla portugés) ba-da XII, ne’ebé Timor-Leste mak sai uma-na’in, la’o di’ak tanba Polísia Nasionál Timor-Leste (PNTL) la rejista kazu insidente no asidente.
“Adeptus Timor-Leste tama estádiu ho nakonu atu asiste jogu, maibé buat hotu la’o di’ak. Ita la rejista buat ruma, la rejista asidente no insidente”, Komandante Operasaun Komandu PNTL Munisípiu Dili, Superintendente Assistente Luis Amaral ba Tatoli via WhatsApp domingu-ne’e.
Nia dehan durante abertura, situasaun la’o di’ak no kontroladu. Tanba hala’o tuir orden ne’ebé iha hodi tau matan ba movimentu transporte ne’ebé sirkula, no polísia halo kontrolu ne’ebé di’ak tebes ba movimentu komunidade ne’ebé mak partisipa jogu abertura horikalan ne’e.
“Ne’ebé ha’u atu informa katak laiha insidente no asidente iha horikalan, buat la’o di’ak”, nia konklui.
Notísia relevante: PNTL deside blokeia dalan sira ba fatin realizasaun jogu desportivu CPLP
Jornalista : Natalino Costa
Editora : Rita Almeida
