DILI, 22 Jullu 2025 (TATOLI)-Kontinuasaun jogu desportivu husi Komunidade Nasaun sira ne’ebé ko’alia lian-portugés (CPLP, sigla portugés) loron daruak nian, Angola okupa klasifikasaun dahuluk tanba halibur ona medalla haat, ouru ida no prata tolu iha kompetisaun modalidade atletismu ne’ebé fahe ba klase hitu.
Klase dahuluk kona-ba saltu kumprimentu manán daruak no datolu husi atleta Angola hotu ho naran, Luzareth da Conceição Marcos António no Rode Mavinga Filomeno Lutete, ne’ebé rekolla medalla prata rua, iha klase halai-taru 100 metru (maskulinu) nafatin konkista primeiru lugár husi atleta Eduardo Pedro da Silva Cândido no segundu lugár konkista husi atleta Pedro Marques Ecumbi Cassinda,
Ho nune’e iha prova haat ne’ebé diretamente kompete iha faze finál atleta husi nasaun Angola konsege halibur medalla hamutuk haat kompostu husi medalla osan mean-ida (ouru), medalla osan mutin-tolu (prata).
Tanba ne’e, iha klasifikasaun dahuluk okupa husi nasaun Angola ne’ebé konsege rekolla medalla haat hafoin atleta sira kompete iha prova haat (4) maibé konsege vitória iha prova rua de’it. Daudaun ne’e Angola kontinua rekolla medalla lima ona.
Klasifikasaun daruka okupa husi nasaun Kabuverde, tanba rekolla ona medalla hamutuk tolu, medalla prata ida no medalla bronze ida, hafoin atleta Alerson Patrick Nascimento Silva kompete iha halai-taru 3000 metru no hetan segundu lugár, iha sorin seluk atleta Delvin Francisco Soares Ganeto manán segundu terseiru lugár iha halai-taru 100 metru (maskulinu) no atela Ilisiaria Brito Lopes konkista terseiru lugár hafoin kompete iha halai-taru 100 metru (maskulina). Daudaun ne’e Kabuverde rekolla medalla hamutuk-ualu ona kompostu ho loron dahuluk nian.
Klasifikasaun datolu okupa husi nasaun Portugál ne’ebé konsege rekolla medalla osan-mean hamutuk rua, ne’ebé konkista husi atleta Laura Branco Jorge da Silva Agostinho hafoin kompete iha saltu kumprimentu (femenina) no atleta Rodrigo João Guedes Azevedo ne’ebé konkista iha halai-taru 3000 metru (maskulinu). Enkauntu Portugál aumetan rekolla medalla hamutuk-sia
Klasifikasaun dahaat okupa husi nasaun Saun Tomé e Prínsipe, ne’ebé iha oportunidade hodi konkore mós medalla hamutuk osan-mean ida no osan-metan ida iha modalidade atletismu loron daruak nian, bainhira atleta Adjamila Boa Esperança Bomfim no Adlézia Neto Trindade kompete iha halai-taru 100 metru (femenina).
Okupa iha klasifikasaun ikus mak Timor-Leste ne’ebé konsege rekolla medalla bronze ida husi atleta Júlio Martins Amaral, hafoin kompete iha halai-taru 3000 metru (maskulinu). Daudaun ne’e Timor-Leste aumenta tan kolesaun medalla hamutuk-tolu.
Entretantu iha faze eliminasaun fahe ba klase ida halai-taru 200 metru (femenina) Iha faze eleminasaun halai-taru 200 metru (femenina) atleta nain-neen mak sei avansa hodi kontinua kompete fali iha aban (23/07/2025), ne’ebé kompostu husi Portugál nain-rua, Kabuverde nain-rua, Angola nain-ida no Timor-Leste nain-ida.
Notísia relevante: Atleta Deonita la rende hatudu performe di’ak iha jogu desportivu CPLP
Jornalista : Alexandra da Costa
Editora : Rita Almeida
