DILI, 28 Jullu 2025 (TATOLI)—Ekipa Nasionál Saúde halo atendimentu ba atleta no adeptu jogu despsortivu CPLP iha Timor-Leste ne’ebé hahú hala’o iha 19 to’o 26 Jullu 2025 ne’e, profisionál saúdae sira atende pasiente hamutuk 86 ne’ebé kompostu husi pasiente estranjeiru na’in-10 no timoroan na’in-76.
“Jogu desportivu ida-ne’e hahú iha loron 19 mai to’o 26 Jullu 2025, ita atende atleta no adeptu sira-ne’ebé mak iha terrenu hamutuk 86. Husi ne’e, maiória timoroan hamutuk no estranjeiru. Husi ne’e ema Cavo Verde na’in-haat (4), Portugáll ida 91), Mosambike na’in-lima (5),” Koordenadór ekipa saúde ba jogu CPLP no atual Diretór Nasionál Ambulánsia Emerjénsia Médika, Simplicio Amaral, informa bainhira halo konferénsia imprensa iha nia kana’ar fatin Kaikoli, ohin.
Nia dehan, husi atleta ne’ebé mak ekipa saúde atende ne’e mai husi modalidade oioin liuliu iha basketball no atletizmu sira.
“Atleta estranjeiru mak ita konsege evakua ba Hospitál Nasionál Guido Valadares (HNGV) hodi halo examinasaun balun, eze,pku mak hasai raiu X,” nia relata.
Nia informa, husi parte saúde hahú halo atendementu ba jogu desportivu CPLP ne’e hasoru dezafiu mak momentu evakua adeptu no atltelta sira barak ba postu mediku sira, tanba masa barak-liu maibé entermu medikamentu no ekipamnetu saúde ne’e laiha problema.
“Totál pasiente ne’ebé mak ita halo atendementu mak Cabo Verde iha na’in-rua ne’ebé mak halo diagnosa faltura, tanba ain tohar no ida-ne’e mak haruka ba HNGV hodi hasai raiu-X no ida seluk mak atleta Portugál trauma, iha ain ida-ne’e mós ba hasai raiu-X iha HNGV,” nia dehan.
Jornalista : Felicidade Ximenes
Editór : Cancio Ximenes
