Konsellu Diretivu Ospitál Suai klarifika ladauk selu osan turnu ba pesoál saúde
KOVALIMA, 30 Jullu 2025 (TATOLI)- Konsellu Diretivu (KD) Ospitál Referénsia Suai klarifika seidauk halo pagamentu osan turnu ba pesoál saúde sira ne’ebé presta sira-nia servisun iha ospitál referénsia Suai durante tinan-ida tanba iha prosesu verifikasaun laran.
Relasiona họ osan turnu ne’ebé seidauk halo pagamentu husi Ministériu Saúde hahú husi Jullu to’o Dezembru 2024, mak konvoka ona reuniaun Konsellu Diretivu kompostu husi Xefe Gabinete Diresaun Jerál, Diresaun Nasionál Gabinete Serbisu Korporativu, Diretora Jerál Deontolojia no Etika Garantia Kualidade
“Razaun seidauk selu tanba sei iha prosesu verifikasaun, hafoin finaliza halo verifikasaun hodi hein desizaun finál husi Ministériu saúde atu halo pagamentu osan tornu ba pesoál saúde sira seidauk simu nia direiru ba osan turnu hodi hein prosesu enkuadramentu salariál ba funsionáriu rejime espesiál,” “, Diretór Ezekutivu Ospitál Referénsia Suai, Domingos Lemos hato’o ba jornalista sira iha ospitál Suai ohin.
Nia dehan, MS seidauk halo pagamentu osan turnu ba pesoál saúde sira la’os, iha Ospitál Referésia Kovalima de’it, maibe pesoál saúde sira iha ospitál sira seluk mós seidauk simu direitu osan ba turnu inklui ho pesoál saúde iha HNGV.
Tuir dadus pesoál saúde (PS) ne’ebé presta servisu iha ospitál Referénsia Suai hamutuk 166, kompostu husi funsionáriu permanente (FP), 111 no funsionáriu kontradu hamutuk 55.
Iha sorin seluk, Profisonál Saúde, Alberto Coli, preokupa tanba Ministériu Saúde (MS) seidauk halo pagamentu ba sira-nia direitu osan turnu hahú Jullu 2024 tama ona Jullu 2025 mós seidauk halo pagamentu.
“Ami ejize ami nia direitu ba turnu ne’ebe seidauk halo pagamentu hahú 2024 to’o ohin loron, maske hala’o ona enkontru ho ami profisionál saúde sira dala rua ona atu halo pagamentu iha Dezembru 2024 maibé to’o ohin loron laiha rezultadu”, nia lamenta.
Profisionál saúde sira mós rekoñese ekipa husi ministériu saúde mós hala’o ona enkontru atu halo pagamentu iha jullu 2025 ne’e, maibé to’o ohin loron seidauk halo pagamentu.
Nune’e, Profisonál Saúde hirak ne’e ejize Augostu ne’e ministériu tenke halo ona pagamentu, tanba se la halo mak sira sei halo greve iha fulan-Setembru 2025 ne’e.
Notisia relevante:Élia: Profisionál saúde sira labele lori ekipamentu médiku utiliza iha klínika privada
Jornalista :Celestina Teles
Editór: Florencio Miranda Ximenes
