KOVALIMA,31 Jullu 2025 (TATOLI)– Prezidente Autoridade Munisípiu (PAM), Kovalima, Miguel Armada Cardoso, informa katak Autoridade Kovalima sei fortifika lei tara-bandu.
“ Ita ko’alia fortifika tarabandu, ita iha ona ezbosu atu lori ba iha reuniaun konsellu konsultivu munisipal (RKKM), tanba ita disemina ona informasaun ba ita-boot sira hotu, atu fortifika tara bandu katak bandu ema ho ema,ema ho animal, ema ho ai horis no seluk tan”, dehan Prezidente Autoridade ne’e ba jornalista sira iha Kovalima.
Lidér másimu autoridade Kovalima ne’e dehan, fortifika norma ne’e presiza iha mós sansaun ne’ebé ho rigór, nune’e bele kumpre tanba tara-bandu hanesan lei-ida ho meiu tradisionál hodi hatu’ur tenke.
Iha fatin hanesan, Komunidade, Luzinho do Rego, reforsa Autoridade Kovalima presiza duni implementa programa tara-bandu iha suku hotu hodi ema hotu bele kumpre.
“Ita haree katak iha suku hotu programa tara bandu la la’o tanba ne’e Autoridade Kovalima presiza implementa programa tara-bandu iha suku hotu”, nia afirma. nia reforsa.
Notisia relevante:Tékniku jurídiku elabora ezbosu Lei Tara Bandu hodi implementa iha Covalima
Jornalista :Celestina Teles
Editór:Florencio Miranda Ximenes
