Top

MJ propoin adisionál millaun $6 iha OJE 2026

Ministru Justisa, Sérgio Hornai. Foto Tatoli/Francisco Sony

DILI, 12 Agostu 2025 (TATOLI)-Ministériu Justisa (MJ) propoin adisionál millaun $6 iha proposta Orsamentu Jerál Estadu (OJE) 2026 hodi finansia programa prioridade haat.

“Karik osan ne’e mantein, ha’u hanoin ita bele halo servisu di’ak-liu, hodi halo levantamentu di’ak liután ba rai sira iha Dili laran no to’o munisípiu ho di’ak liu tan”, Ministru Justisa, Sergio Hornai, ba jornalista sira hafoin aprezenta orsamentu adisionál ministériu nian iha Kómite Revizaun Orsamentu, tersa ne’e.

Programa prioridade ne’ebé ministru temi mak reforma justisa, asesu ba justisa ita ko’alia ba servisu Defensoria Públika oinsá asegura servisu sira iha seitór justisa nian, jestaun ba terras propriedade, servisu sira iha dezenvolvimentu instituisionál iha Ministériu Justisa ne’ebé foka ba melloramentu atendimentu públiku, ne’ebé efikasia no efisiensia liuliu iha pasaporte, rejistu sertidaun moris, billete identidade, rejistu kriminál no programa servisu inklusaun social.

Governante ne’e informa tetu orsamentu ne’ebé Ministériu Justisa hetan ba 2026 iha millaun $10, maibé tanba programa prioridade haat bazea ba Planu Asaun Anuál ba tinan oin, nune’e presiza osan adisionál nune’e bele finansia programa referida.

Nia esplika programa reforma justisa sei haree lei sira hodi halo revizaun, kona ba asesu justisa nian sei reforsa servisu Defensoria Públika hodi fó assistensia legál ba sidadaun nune’e lori justisa ba povu, dezenvolvimentu institusionál sei hadia atendimentu iha Diresaun Jerál Servisu Rejistu Notariadu, jestaun ba terras oinsá bele kontrolu rai domíniu Estadu, privadu hodi hatama rendimentu ba Estadu liuhusi selu arrendamentu. Enkuantu servisu inklusaun fó servisu ne’ebé inklusiva, sei trata sidadaun hanesan.

Notísia relevante: Orsamentu MJ millaun $12,876 aprovadu iha espesialidade

Jornalista       :  Natalino Costa

Editora           : Rita Almeida

Publisidade

Leave a Reply

Latest Post

error: Content is protected !!