DILI, 13 Agostu 2025 (TATOLI)—Diretór Aprovizionamentu iha Institutu Nasionál Farmasia Produtu Mediku (INFPM), Sergio Belo, hateten Empreza Sali-Magu hatama ai-moruk kontentór ida ba iha armajen sentrál INFPM.
Notísia Relevante: Empreza Sali-Magu sei hatama ai-moruk item 129 ba INFPM
“Kontentór ida mak ita-nia empreza Sali-Magu hatama mai ho ai-moruk ne’ebé oioin hanesan vitamina C injeksi 2000 mg, Vitamina B1/B2/B6 injeksi 3ml, Bicarbonat powder 650gr, no ai-moruk barak mak tama mai. Maibé, ai-moruk kontentór ida mós husi Global Fund,” Sergio Belo informa ba jornalista sira, iha INFPM, Kampu Alor, ohin.
Nia dehan, ai-moruk sira-ne’e mak hanesan Pilocarpine HCL/Nitrate (carpine 2%)5ml, Propranol Hydrochloride 40mg, Propylthiouracll 100mg, Vitamin K1 (phytomenadione)10mg, Terazosine 2mg.
Diluent cell dyne Emrald 22, Blood Clucose Test Strips, Rapid Test Malaria, Lidocaine 2% plain without adrenaline (dental), Simvastatim 20mg, Omeprazole Injeksi 40mg/ml, Procaline benylpencilin (3g), Tamoxifen 10mg, Amiodarone 150mg/3ml, Metronidazole 5000mg no Paracetamol 5000mg.
“Invoice ne’ebé mak empreza fo ne’e ai-moruk sira-ne’e sosa iha India, Indonézia, Bangladez, tanba orsamentu ne’ebé mak sosa ai-moruk ne’e ho Orsamentu Jerál Estadu ne’ebé mak prevee ba INFPM atu kompra medikamentu,” nia hateten.
Husi fulan ida-ne’e ba oin, nia dehan, ai-moruk tenke tama ona tuir ninia istimasaun ne’ebé mak fó ba empreza sira.
Entertantu, daudaun ne’e estoke ai-moruk ne’ebé mak disponivel hamutuk 82% no estock out hamutuk 18%.
Notísia Relevante: INFPM deklara Sali-Magu sei hatama ai-moruk item 88 iha janeiru
Jornalista : Felicidade Ximenes
Editór : Cancio Ximenes
