EUA kontinua apoiu TL iha área seguransa
DILI, 19 Agostu 2025 (TATOLI)-Enkaregadu Negósiu Estranjeiru Estadu Unidu Amérika (EUA) iha Timor-Leste (TL), Bruce Begnell, hasoru Prezidente Repúblika, José Ramos-Horta, iha Palásiu Prezidensiál Bairru Pité, tersa-ne’e hodi diskute kooperasaun seguansa entre TL ho EUA.
“Kooperasaun militár ne’e la’ós de’it ezersísiu konjuntu entre EUA ho Timor-Leste, maibé ezersísiu konjuntu ho Nasaun parseiru sira hanesan Austrália iha ámbitu kooperasaun”, katak Bruce Begnell ba jornalista sira hafoin hasoru Xefe Estadu.
Nia haktuir sorumutu ne’ebé akontese di’ak tebes tanba ko’alia konaba kooperasaun seguransa no programa sira seluk. Tuir nia Prezidente Repúblika pesoa ne’ebé umilde.
Nia realsa, EUA kompromete kontinua apoiu TL iha área kooperasaun ne’ebé durante ne’e iha ona, liuliu iha seguransa. “Hakarak ba oin atu suporta liutan, ita-nia kooperasaun bilaterál ne’ebé iha ona”.
Begnell hatutan ba oin hakarak atu serbisu hamutuk ho Nasaun parseiru sira iha rejiaun ne’e iha área kooperasaun seguransa marítima nian.
Notísiarelevante: Jenerál Steven-PR Horta diskute kooperasaun seguransa TL-EUA
Jornalista : Nelson de Sousa
Editora : Rita Almeida
