DILI, 21 Agostu 2025 (TATOLI)-Xefe Estadu Maiór Jenerál Forsa Armada Timor-Leste, Tenente Jenerál Domingos Raul Falur Rate Laek simu nia omologu husi Portugál, Tenente Jenerál, Nuno Lemos Pires no Nova Zelándia, Majór Jenerál King Rose, hodi hametin kooperasaun iha área militár.
“Ne’e hanesan baibain ona, tanba ema konvida ba fatin serimónia nian ne’e sempre enkontru bilaterál no mós enkontru kortezia, komprimenta no agradese de’it ba ita”, Falur Rate Laek ba jornalista sira iha Kuartél Jenerál F-FDTL Fatuhada, kinta-ne’e.
Notísia relevante: Nova Zelandia kompromete apoia Ministériu Defeza ho armamentu militár
Vizita ho oras ne’ebé la hanesan ne’e, nia esplika parte rua ko’alia konaba kooperasaun ne’ebé halo ona iha tempu pasadu.
Vizita dahuluk husi Portugál, Falur dehan: “Ita ho Portugal ne’e ita-nia formasaun espesifika, nia agradese, no ha’u fó hanoin pontu importante ne’ebé hanesan kooperasaun no apoiu organizasaun, ita-nia saúde militár, fó alimentasaun ba forsa sira, ha’u fó hanoin para nia bá hasoru Ministru karik enkaixa programa ne’ebé kuadru Governu rua prevee”.
Hafoin simu ne’e, Falur simu kedas vizita husi nia omologu Majór Jenerál King Rose. Husi hasoru malu ne’e sira ko’alia konaba kooperasaun teknika militár nian.
“Ita diskute kona-ba koperasaun entre parte rua ne’e hotu, atu koalia kona-ba kooperasaun téknika militár nian, sira mós sei mai treinu militár, liuliu treinu tiru kilat nian no mós formasaun akademia ba ita-nia militár sira no formasaun ba banda muzika”, katak nia.
Notísia relevante: Portugal hakarak hametin kooperasaun iha área saúde militár
Jornalista : Natalino Costa
Editora : Rita Almeida
