DILI, 21 Agostu 2025 (TATOLI)—Vise-Ministru ba Fortalesimentu Instituisionál Saúde, José Magno dos Reis, husu Intitutu Nasionál Farmásia Produtu Mediku atu tau konsiderasaun item tolu ne’ebé mak importante mak hanesan médikamentu, reazente no mós konsumaveis, nune’e bele responde ba nesesidade ospitál no Munisípiu sira.
Nia hatutan, Governu liuhusi Ministériu Saúde aloka Orsamentu Jerál Estadu ba Institutu Nasionál Farmásia Produtu no Médiku atu sosá ekipamentu médiku, reazente no konsumaveis hamutuk millaun $13.
“Ita hatene katak, iha tinan ne’e ha’u la iha númeru ezatu maibé pur volta millaun $13. Ida husi Orsamentu Jerál Estadu 2025 aloka iha INFPM, ida-ne’e prepara ba item tolu mak hanesan nédikamentu, reazente no mós konsumaveis sira,” José Mango dos Reis hateten ba j ornalista sira iha Timor Plaza, ohin.
Nia dehan, agora situasaun tenke forte, kuantifikasaun sira mai husi Diresaun Nasionál Farmásia Produtu no Médikamentu ho konsulta husi ospitál no mós munisípiu sira.
“Atu nune’e, orsamentu ne’ebé mak tau iha ne’ebá, sira tenke husu saida mak nesesidade nunisípiu no mós Ospitál sira-nian. Ne’ebé bainhira despeza Operasionál tinan ba tinan labele tun maibé nia tenke sa’e, tanba ita-nia nesesidade aumenta la’ós tinan ba moras ne’e laiha, nesesidade la’ós tinan lae,” nia dehan.
Nia informa, despeza operasionál sira labele menus no iha inisiativa ruma mak hamenus, tanba ne’e inisiativa foun maibé buat ne’ebé mak la’o hela permanente ne’e labele hamenus fali nia kustu sira.
“Ida-ne’e mak dezafia hela ba ita iha Ministériu Saúde tomak, atu bele haree ida-ne’e. Maibé, ita-nia tempu sei iha, tanba ne’e INFPM halo favór konsidera tau nesesidade operasionál sira iha INFPM hanesan item tolu ne’ebé mak iha ne’e, labele ita dehan atu redús. Se ita redús, siginifika programa balun nian atividade sira ita tenke redús mós, tanba laiha ka lae. Se laiha item tolu importante ne’ebé mak ha’u ohin mensiona, sé ita redús nia orsamentu siginifika nia programa ne’e ita bele halo ona,” nia informa.
Nia haktuir, osan ne’e atu fó resposta ba Reprezentante Organizasaun Saúde Mudiál no osan ne’e daudaun ne’e iha Institutu Nasionál Farmásia Produtu no Médiku.
Jornalista : Felicidade Ximenes
Editór : Cancio Ximenes
