KAK simu kompeténsia investiga kazu hamutuk-44
DILI, 22 Agostu 2025 (TATOLI)-Komisaun Anti-Korrupsaun (CAC, sigla portugés), simu ona delegasaun kompeténsia husi Ministériu Públika (MP) hodi investiga kazu hamutuk-44 ne’ebé rejista hahú husi Janeiru to’o Agostu tinan-ne’e.
“Ita finaliza ona investigasaun 22, no haruka fali ona ba Ministériu Públiku”, Diretor Jerál Investigasaun KAK, José Verdial, dehan ba jornalista sira iha edifísiu Ministériu Finansa, sesta-ne’e.
Nia dehan, kazu-22 daudaun iha hela prosesu investigasaun. Enkuantu, KAK mós simu keixa ka denúnsia husi públiku hamutuk 73.
“Konsege finaliza 13, haruka ona auto-partisipasaun ba Ministériu Públiku, 18 iha hela prosesu, purvolta 40 laiha indísiu korrupsaun tanba relasiona ho kazu sívil”, dehan nia.
Notísia relevante: KAK Investiga Ona Kazu Liu 20 Resin
Jornalista : Nelson de Sousa
Editora : Rita Almeida
