Top

PJR solisita adisionál millaun $3-resin

Edifísiu Prokuradoria Jerál Repúblika. Imajen espesiál

DILI, 22 Agostu 2025 (TATOLI)-Prokuradór Jerál Repúblika (PJR), Nelson de Carvalho, hateten PJR propoin osan adisionál millaun tolu-resin iha Orsamentu Jerál Estadu (OJE) 2026 hodi reforsa atividade Ministériu Públiku nian.

“Ami iha tetu inisiál ne’e millaun tolu-resin, ohin ami husu tan adisionál millaun tolu-resin no orsamentu ne’ebé prevee ba ami iha tinan oin iha millaun hitu”, Nelson hateten ba jornalista sira hafoin aprezenta orsamentu PJR ba tinan-oin iha Ministériu Finansa, sesta–ne’e.

Nia esplika razaun adisionál prevee ba saláriu vensimentu, bens servisu, kapitál menór no kapitál dezenvolvimentu. Seluk fali mak reforma programa Ministériu Públiku liuliu liga ba atendimentu justisa ba povu, oinsá povu bele asesu justisa ho di’ak liután. Ida tan mak reforma servisu prokuradór sira liga ba formasaun sira.

Iha fatin hanesan Sekretáriu Jerál PJR, Gil da Conceição Savio, reforsa tetu ne’ebé aprezenta tanba tetu ne’ebé sira simu la sufisiente hodi finansia Ministériu Públiku ba tinan-oin.

“Haree ba tetu orsamentu ne’e la sufisiente, entaun ami propoin tan millaun tolu resin no osan ne’ebé mak ami hetan tinan oin ne’e hamutuk millaun hitu resin”, nia informa.

Verba ne’ebé prevee, nia dehan sei uza ba konstrui protesaun armajen Ministériu Públiku nian iha Kaikoli.

Notísia relevante: Ministériu Públiku Oekusi presiza edifísiu foun no fatin ba objetu apreendidu

Jornalista       : Natalino Costa

Editora           : Rita Almeida

Publisidade

Leave a Reply

Latest Post

error: Content is protected !!