TR propoin adisionál hodi harii Supremu Tribunál Justisa
DILI, 22 Agostu 2025 (TATOLI)-Prezidente Tribunál Rekursu (TR), Afonso Carmona, solisita ba Komité Revizaun Orsamentu (KRO) aumenta millaun tolu, finansia reabilitasaun edifisiu tuan Tribunál Distritál Dili hodi instala edifisiu provisóriu ba Supremu Tribunál Justisa no mellora Tribunál Movél.
“Tetu orsamentu inisiál ne’ebé Ministériu Finansa atribui ba Tribunál Rekursu ba tinan oin hamutuk millaun haat no ami husu tán millaun tolu, osan ne’ebé Tribunál Rekursu hetan hamutuk millaun hitu”, Afonso Carmona hateten ba jornalista sira iha Ministériu Finansa, sesta-ne’e.
Carmona esplika, adisionál ne’ebé propoin aloka mós ba saláriu juis sira ne’ebé servisu iha Supremu Tribunál Justisa, tanba la hanesan ho juis sira ne’ebé servisu Tribunál Rekursu.
Planu husi adisionál, nia dehan prevee ba konstrui Tribunál Judisiál Primeiru Instánsia iha munisípiu Baukau, Bobonaru, Ermera no Vikeke tuir lei organizasaun judisiária.
Notísia relevante: TR prevee millaun $4-resin konstrui Tribunál Primeira Instánsia iha munisípiu tolu
Jornalista : Natalino Costa
Editora : Rita Almeida
