Sarani Beco selebra misa agradesimentu ba padre na’in-tolu

KOVALIMA, 23 Agostu 2025 ( TATOLI)-Sarani sira iha suku Beco, postu administrativu Suai, munisípiu Kovalima,  sábadu-ne’e selebra misa agradesimentu ba padre na’in-tolu mak hanesan Luis Gouveia Leite, Armindo Brito no Hendrique de Deus ne’ebe dedika ona vida durante tinan-25 ba Uma Kreda.

Misa agradesimentu Jubilei Prata ho tema “Dar-vos-ei pastores segundu o meu Coração que vos apascentem com ciência e inteligência”, prezide husi Padre Luis Gouveia Leite.

Amu selebrante iha nia omilia hatete selebrasaun ne’e hanesan domin husi família no sarani sira, hodi marka istória la’ós númeru.

“Tinan 25 sai hanesan Nai-lulik, ita la’ós selebra  númeru, maibé selebra istória hahú ho moruk, ami responde durante tinan 25″, Padre Luis Gouveia Leite hatete.

Nia dehan misa agradesimentu ne’e hanesan renovasaun ba aman espirituál, konsoladór hodi moris iha situasaun saida de’it.

Reprezentante família Padre Luis Gouveia Leite, Domingos Sequeira, dehan tempu ne’ebé pasa la’ós fasil.

“Ami hanesan família koko atu organiza iha tempu ne’ebé difísil, ho ema hotu nia kontente bele hala’o atividade tanba domin”, nia dehan.

Iha sorin seluk, Prezidente Komisaun Organizadora, Agustina Lopes, haktuir selebrasaun ne’e tanba kontribuisaun husi sarani, grupu vokasaun no família sira.

Notísia relevante: Kovalima Konsidera Padre Nain Tolu Eroi Boot

Jornalista    : Celestina Teles

Editora       : Rita Almeida