KOVALIMA, 25 Agostu 2025 (TATOLI)- Iha segundu Konferénsia Munisipál Konsellu Kombatente Libertasaun Nasional (CCLN) Kovalima, Veteranu sira fó fiar ba Veteranu Felis Amaral ho kódigu SAKARI sai komisáriu ne’ebé reperezenta veteranu no kombantente suku 30 iha Nasionál ho mandatu 2025 to’o 2030.
“Konferénsia CMCLN iha Kovalima nia rezultadu mam Felix Amaral “SAKARI” eleitu nu’udar Komisáriu hodi reprezenta Munisípiu tu’ur iha nasionál,” informa Prezidente Komisaun ba segundu konferénsia, Atanazio Francisco Tavares, hafoin anúnsia rezultadu eleisaun sekretu iha Kovalima.
Komisáriu SAKARI ho Maria Amaral ho António Alves konsege hetan votu 233 husi konfresista sira hamutuk 348
Notísia relevanteCMCLN Kovalima realiza konferénsia daruak hodi hili estrutura foun
SAKARI kompromete rezolve problema veteranu
Komisáriu Felix Amaral SAKARI kompromote fó prioridade ba problema veteranu sira iha munisípiu Kovalima hodi rezolve.
“Foku ba pensaun ba kombatente rasik no ba família, kombatente nia naran rejistu maibé sei pendente, rezolve reklamasaun no kontestasaun, fó apoiu no koopera ho Ministériu atu kontinua rekolla restu mortál, identifika fatin istóriku husi períodu baze apoiu, defende alterasaun ba dekretu-lei númeru 8/2009 kona-ba rejime atribuisaun bolsa estudu, koopera ho instituisaun relevante no identifika programa Ministériu asuntu kombatente libertasaun nasionál,” nia kompromete.
Nia hatutan: “Ha’u mai la’ós atu promete de’it,ha’u sei halo kovalima nia kombatente tenke hetan justisa rekonesimentu no oportunidade atu kontribui ba dezenvolvimentu nasaun no munisípiu. Ha’u husu apoiu Kompatriota no Konfrensista hotu hodi realiza misaun ida ne’e ita bele”.
Aleinde ne’e, nia afirma kontinua defende direitu no interese kombatente libertasaun nasionál sira-nian, Preserva memória istórika kona-ba funu ba independénsia, promove programa apoiu sosiál, ekonomia no saúde ba kombatente sira no nian família.
Veteranu presiza hakerek istória luta pesoál
Ministru Asuntu Kombatente Libertasaun Nasionál ( MAKLN),Gil da Costa “Oan Soru” husu ba veteranu Kovalima atu ida-idak hakerek nia istória pesoál luta ba libertasaun nasionál.
“Ha’u iha fatin ne’ebé de’it dehan atu hakerek istória ho hanoin rasik no labele inventa istória”, Governante ne’e husu.
Atu valoriza veteranu sira liuhusi hakerek istória kombatente pesoál la’ós valoriza ho rate maske nia rasik apela hahú iha Governu da-ualu to’o ohin loron kombatente sira seidauk hakerek nia istória sai hanesan dezastre ba nasaun.
Notísia relevanteCMCLN Kovalima submete ona fixa reklamasaun no kontestasaun rihun haat-resin
Jornalista:Celestina Teles
Editór:Florencio Miranda Ximenes
