Veteranu Lamesak eleitu ba Prezidente CMCLN munisípiu Kovalima
KOVALIMA, 26 Agusto 2025 ( TATOLI)- Veteranu Francisco Doutel Sarmento “Lamesak” eleitu ba Prezidente Konsellu Munisipal Kombatente Libertasaun Nasionál ( CMCLN) ba periodu ba tinan lima 2025-2030.
Prosesu eleisaun , Francisco Doutel Sarmento eleitu ba Prezidente Konsellu Munisipál Kombatente Libertasaun Nasionál hafoin hodi halakon pakote, A, B no E ho nia votu 212 husi delegadu no delegadu hamutuk 353.
Notisia relevante: SAKARI eleitu sai Komisáriu hodi reprezenta veteranu Kovalima iha CCLN nasionál
Pakote Lamesak, kompostu husi Francisco Doutel Sarmento ( Prezidente), Fonciano Barreto (membru),Jacob Alves,Raimundo Gusmão no Almerio Guterres.
Enkuantu Pakote A Manuel Barboja Pina Mameran ,Vitorino do Carmo ( membru),Francisco Cardoso, António dos Santos no Luis Amaral ho nia votu 57
Pakote B mak Osório Soares Mausoko ( Prezidente), Joaquim Barros ,Marcelo de Jesus, Lourenço da Cruz no Francisco X Noronha ho votu 32 no pakote E Martino Amaral (Prezidente),Manuel Freitas Freitas , Agapito do Rego,Carlos da Cruz Maia no Celestino Amaral ho votu 30.
Iha diskursu, Francisco Doutel Sarmento Lamesak, hato’o nia misaun katak ei kontinua servisu hamutuk Ministériu Asuntu Kombatente Libertasaun Nasionál hodi halo reajustamentu ba dadus 2003/2009 hanesan kontestasaun ho reklamasaun iha fulan Outobru, desde iha 2015 to’o 2019 iha komisaun omenajen bainhira halo transferénsia mai konsellu kombatente Libertasaun Nasionál.
“Ha’u nia vizaun halo proposta hodi husu apoiu ba ONG Nasionál no Internasionál atu halo istória funu husi 1975 to’o 1999 ho nia estrutura tomak husi zona hitu ho Nurep 46 kaixa ho estafeta ba FA ho FC, halo vizita ba postu administrativu hitu hodi husu informasaun kona-ba kondisaun liuliu kona-ba 3-7
Prezidente ne’e kompromete, halo relasaun di’ak ho entidade hotu-hotu iha munisípiu Kovalima nafatin fo bolsa estudu ba kombatente libertasaun Nasionál, maibé hetan 03 ho 3 a 7 no konstrui momentu iha postu administrativu hitu.
CCLN ensera ona konferénsia daruak iha Kovalima
Iha biban hanesan, Prezidente Konsellu Kombatente Libertasaun Nasionál, Vidal de Jesus “Riak Leman”, tersa-ne’e ensera ona konferénsia ba daruak hodi hili estrutura foun iha munisípiu Kovalima.
Konferénsia Munisipál ne’e hala’o durante loron rua ne’ebé loron dahuluk hili estrutura Komisáriu Reprezenta munisìpiu Kovalima iha Nasionál no ba loron daruak hili Prezidente Munisipál Konsellu Kombatente Libertasaun Nasionál(CMCLN)
“Ha’u hanoin konferénsia la’o di’ak ami alkansa duni ami nia objetivu tanba finaliza ona hala’o konferénsia daruak durante loron rua iha munisípiu Kovalima”,Vidal de Jesus Riak Leman hato’o ba jornalista hafoin ensera konferénsia daruak iha otél vida Nova, ohin.
konferénsia daruak hili estrutura komisáriu nasionál no prezidente CMCLN hahù iha Lautein,Vikeke,Manatutu, Baucau Manufahi no iha Kovalima.
Riak Leman mós rekomenda ba estrutura eleitu ba nasionál ho munisipiu tenke servisu iha edifísiu no estrutura nasionál no munisípiu tenke servisu, tanba estrutura nia servisu atu verifika dadus fundu atu halo investimentu responsabilidade estrutura Munisipál mak kontrola.
Jornalista:Celestina Teles
Editór:Florencio Miranda Ximenes
