DILI, 05 Setembru 2025 (TATOLI)—Ministériu Justisa (MJ) propoin millaun $1-resin iha Orsamentu Jerál Estadu (OJE) 2026 hodi halo produsaun ba pasaporte hamutuk 75.000.
Diretór Jerál Servisu Rejistu Notariadu, Agostinho Gonsalves Viera informa, orsamentu ne’e aprezenta ona ba Komité Revizaun Orsamentu, ne’ebé sira konsidera katak asuntu ne’e importante.
“Ita prevee ona iha orsamentu tinan oin osan millaun $1-resin atu halo tan akizisaun ba pasaporte 75.000,” Diretór hato’o ba Jornalista sira iha nia knaar fatin, Kolmera, Sesta ne’e.
Notísia relevante : Pasaporte Timor-Leste kualidade, bele halo viajen bá nasaun 50-resin
Agostinho esplika, agora husi Diresaun Servisu Rejistu Notariadu hamutuk ho MJ halo ona kontaktu ho empreza Thales hodi bele prosesa.
“Empreza ita nafatin ho Thales, agora ita halo ona komunikasaun ho empreza ne’e no ita hein kuandu orsamentu tinan oin aprova mak marsu tinan oin ita hahú halo ona akizisaun,” nia akresenta.
Diretór dehan, diresaun Servisu Rejistu Notariadu daudaun iha stock pasaporte hamutuk 63.000, ne’ebé bele korresponde to’o Dezembru
Jornalista : Natalino Costa
Editora : Julia Chatarina
