DILI, 08 Setembru 2025 (TATOLI)—Ekipa Futeból Ramelau FC to’o jornada dahitu sei kontinua lidera tabela klasifikasaun dahuluk primeiru divizaun Liga Futsál Timor-Leste (LFTL) 2025.
Ekipa Ramelau FC mantein iha tabela dahuluk hafoin durante jornada dahitu rekolla totál pontu hamutuk 21 bainhira manán (W) 7, produtividade golu 30 (GF), menus golu 7 (GA) ho totál golu (GD) 23.
Ramelau FC to’o jornada dahitu seidauk sofre derrota bainhira gaña pontu liuhosi ekipa sira hanesan Santa Cruz Futsál Club (6-0), Mauputar (1-3), Boa Sorte (0-2), Samoro (1-4), São Francisco Xavier (1-5), Coelho FC (3-1) no Caesar Dante (3-4).
Notísia relevante: FFTL buka jogadór Futsál ba selesaun nasionál
Enkuantu, ekipa Mauputar mak okupa iha tabela daruak ho pontu 16, tuir kedas São Francisco Xavier FC (P) 12, Caesar Dante (P) 12, Musila rekolla pontu 8 no Coelho FC 8 iha pozisaun daneen.
Ekipa haat mak oras ne’e provizoriamente okupa iha zona mean tabela klasifikasaun hanesan Gamer FC iha pozisaun dahitu ho pontu 8, tuir kedas Boa Sorte (P) 7, Santa Cruz Fc (P) 6 no ikus ekipa AD Samoro ho pontu 3 hafoin derrota 6 no manán 1.
Entretantu, primeiru divizaun LFTL envolve klube sanulu (10) ho sistema full kompetisaun iha-ne’ebé kada klube sei jogu home and away kompostu Mauputar FC, Ramelau FC, Caesar Dante, Musila, São Francisco Xavier FC, AD. Samoro, Boa Sorte, Gamer, Santa Cruz FC, Coelho FC.
Jornalista: Natalino Belo
Editór: Xisto Freitas da Piedade
