Bobonaru-Ermera-Kovalima-RAEOA hato’o pedidu husu vasina antí Raiva ba INFPM

DILI, 16 Setembru 2025 (TATOLI)—Institutu Nasionál Farmásia Produtu no Medikamentu (INFPM), durante ne’e, simu pedidu husi Munisípiu Bobonaru, Kovalima, Ermera no Rejiaun Administrativu Espesiál Oekusi Ambeno (RAEOA) mak husu vasina anti Raiva hodi halo prevensaun ba moras Raiva iha área refere.

Notísia Relevante:

Diretór Internu INFPM, Miguel Soares, informa kona-ba vasina anti Raiva ba munisípiu sira ne’ebé mak hatama pedidu barak liu mak munisípiu haat ne’ebé mak identifika katak risku ba virus Raiva.

“Agora daudaun vasina antí Raiva disponivel hela iha ne’e tanba foin iha semana kotuk mak simu tan husi Organizasaun Saúde Mundiál hamutuk vial rihun 10,” Miguel Soares dehan ba jornalista sira iha nia kna’ar fatin, Kampung Alor, ohin.

Nia relata, vasina antí Raiva estoke seguru no disponivél, tanba ne’e pedidu sira mai husi munisipiu hakarak ka lakohi tenke hatan kedas tuir kuantidade ne’ebé mak mensiona iha pedidu husi fasilidade saúde ida-idak.

Nia informa, kona-ba distribuisaun ba fasilidade saúde diariammente la’o depende ba pedidu mai husi munisípiu sira.

Jornalista : Felicidade Ximenes

Editór       : Cancio Ximenes