VIKEKE, 24 Setembru 2025 (TATOLI)—Servisu Diresaun Munisipál Asaun Sosiál (SMAS) Munisípiu Vikeke apoia ona kaixaun hamutuk unidade 24 ba família vulneravel sira.
Diretór Servisu Diresaun Munisipál Asaun Sosiál (SMAS) Munisípiu Vikeke, Octaviano Fernandes Salsinha haktuir apoia kaixaun ba família vulneravel ne’e prioriza ba família ne’ebé uma-laran la serbisu, maibé sira tenke aprezenta deklarasaun husi xefe suku sira.
“Apoiu ida-ne’e hanesan hakmaan família vulneravel sira iha Munisípiu Vikeke,” Octaviano Fernandes ba TATOLI iha Munisipiu Vikeke, Kuarta ne’e.
Nia relata, tinan ne’e, SMAS sosa kaixaun hamutuk unidade 72, ne’ebé daudaun ne’e kaixaun hela unidade 48 no 24 mak distribuidu. Husi númeru kaixaun 72 gastu orsamentu hamutuk $18.000.
Entretantu, funsionáriu SMAS Munisípiu Vikeke hamutuk na’in-11 ne’ebé ativu halo atendimentu ba komunidade iha Munisípiu Vikeke.
Jornalista: Vitorino Lopez da Costa
Editór: Xisto Freitas da Piedade
