DILI, 07 Outubru 2025 (TATOLI)—Treinadór Prinsipál Selesaun Nasionál Futeból Timor-Leste, Zé Pedro, Tersa ne’e, anúnsia ona lista selesaun nasionál hamutuk na’in-23 ne’ebé sei kontra Filipina iha kualifikasaun AFC Asian Cup 2027.
Tuir informasaun ne’ebé TATOLI asesu husi Federasaun Futeból Timor-Leste (FFTL), lista naran hirak-ne’e fó-sai hafoin totál jogadór 32 tuir treinu no halo selesaun iha Darwin-Austrália hodi halo preparasaun kontra Filipina ne’ebé tuir kalendáriu sei hala’o iha loron-09 Outubru tinan ne’e.
Notísia relevante: Selesaun Nasionál sei dezloka bá Austrália iha 30 Setembru
Antes ne’e, jogadór 32 dezloka ba Darwin-Austrália iha loron-30 Setembru nune’e husi númeru hirak-ne’e jogadór na’in-sia mak tenke elemidadu, enkuantu na’in-23 kontinua prepara iha jogu kualifikaaaun AFC Asian Cup iha-ne’ebé ekipa Lafaek sai nu’udár uma-na’in.
Tuirmai lista jogadór na’in-23 ne’ebé selesionadu atu kontra Filipina iha loron-09 Outubru:
Guarda rede: Dylan José Nisk, Georgino Mendonça no Junildo Perreia
Defeza: Ryan Zom, Anizo Correia, Francisco da Costa, João Soares, Filomeno da Costa, Nelson Viegas no Mário Quintão.
Médiu: Santiago da Costa, Kornelis Nahak, Marques de Carvalho, Fretiliano Santos, Ejivanio da Costa, Cláudio Osório no Zenivio Mota
Avansadu: Paulo Freitas, João Pedro, Mouzinho de Lima, Zion Cruz, Vabio Pires no João Rangel.
Jornalista: Natalino Belo
Editór: Xisto Freitas da Piedade
