DILI, 07 Outubru 2025 (TATOLI)—Sekretáriu Estadu Formasaun Profisionál no Empregu (SEFOPE), Rogério Araújo Mendonça, hateten daudaun ne’e ministériu relevante sira halo hela konsultasaun ba saláriu mínimu ne’ebé presiza halo revizaun didi’ak atu labele fó impaktu ba presu merkadoria nian.
Notísia Relevante: SEFOPE firme tau importánsia saláriu mínimu ba traballadór
“Ha’u hanoin kona-ba saláriu mínimu to’o agora parte Sekretária Estadu Formasaun Profisionál no Empregu (SEFOPE) sei halo hela konsultasaun públiku ho ministériu relevante sira-ne’ebé maka haree kona-ba saláriu mínimu nian ba setór peivadu,” ekretáriu Estadu Formasaun Profisionál no Empregu (SEFOPE), Rogério Araújo Mendonça, informa ba Agência Ttaoli iha nia kna’ar fatin, segunda ne’e.
Ba sira-ne’ebé iha responsabilidade kontrolu ba presu merkadu sira-ne’e, nia dehan, tenke halo konsultasaun ho sira tan bainhira halo ho ansi hodi aprova saláriu mínimu sein halo konsultasaun ne’e ninia impaktu mós sei iha.
Bainhira ita hasai de’it osan husi $115 ba to’o $150 maibé merkadu hasa’e fila-fali sasán nia presu liu tiha ona saláriu ne’ebé sira manán, ne’e mós fó impaktu hotu.
“Prosesu revizaun ne’e tarde liu iha tinan 2026 ba iha loron mundiál traballadór nian ne’ebé kontese iha loron 01 fulan-Maiu. Ha’u hein katak antes selebra loron mundiál traballadór nian sei sai mós oferta ida ba traballadór sira,” nia hateten.
Enkuantu, kona-ba trabalaldór doméstika nian ketak ida no lei kona-ba asuntu ida-ne’e iha tinan 2025 sira sei submete ba iha Konsellu Ministru no bainhira hetan ona aprovasaun bele halo sensibilizasaun ba komunidade.
Notísia Relevante: MCAE sei aprezenta hikas Ezbosu Lei Saláriu Mínimu ba KM
Jornalista : Alexandra da Costa
Editór : Cancio Ximenes
