SMN selebra Loron Mundiál Saúde Matan hodi fahe óklu gratuitu
DILI, 09 Outubru 2025 (TATOLI)—Hospitál Nasionál Guido Valadares liu husi Sentru Matan Nasionál (SMN), kinta ne’e, selebra Loron Mundiál Saúde Matanho tema “Hadomi Ó-Nia Matan” hodi hala’o ativiade marsa saudavel hodi fahe óklu gratuitu ba komunidade liuliu negosiante dalan ninin hamutuk 50-resin.
Notísia Relevante: HNGV selebra “World Patient Safety Day” ho konsulta matan gratuita
“Loron ohin, ita selebra loron mundiál saúde matan iha mundu tomak. Tanba ne’e, ohin, ita halo atividade marsa konjunta ho departamentu oftamolojia hamutuk ho ita-nia ONG lokál Fuan Naroman ne’ebé mak apoia óklu hodi fahe gratuitu ba negosianta sira. marsa ne’e hahú husi loja Seara Pantai Lelapa, ami fahe oklu ba ita-nia maluk sira-ne’ebé mak matan haree la moos, ba sira-ne’ebé mak vulneravél ba moras matan nian hanesan peskadór sira, jardineiru-no sira ne’ebé mak las hanesan servisu iha ofisina atu proteje sira-nia matan ho oklu ne’ebé mak iha,” Mediku Oftamolojia, Marcelino Coreira, hateten ba jornalista sira iha Bidau, Lesidere, ohin.
Husi atividade ne’e, hala’o mós advokasia hodi sensibiliza komunidade kona-ba oinsá proteje matan tanba matan mak janela mundu nian no kuidadu matan ho di’ak.
“Aumezmu tempu hanesan advokasia ida ba ita-nia komunidade, katak matan ne’e importante oinsá atu proteje di’ak ita-nia matan, tanba matan ne’e hanesan janela ba mundu. Maibé, ita la kuidadu matan mak matan ne’e iha problema, ita haree buat hotu la furak,” nia dehan.
Iha fatin hanesan, pasiente matan, Eugenio Sarmento, hateten ohin ne’e loron mundiál matan, nune’e la’ós loron ohin mak hola parteje jodi sosa oklu maibé ONG Fuan Naroman mak durante ne’e fasilita hodi foti oklu iha HNGV.
“Oklu kualidade di’ak uza kle’ur kompara ho oklu ne’ebé mak sosa iha loja. Tanba, ha’u problema matan durante tinan rua no durante ba konsulta maibé seidauk opera, tanba ne’e nafatin konsulta nune’e prevene moras matan sira-ne’ebé mak iha,” nia hateten.
Notísia Relevante: Janeiru-maiu: Sentru Nasionál Matan rejista pasiente matan 42.642
Jornalista : Felicidade Ximenes
Editór : Cancio Ximenes
