DILI, 11 Outubru 2025 (TATOLI)–Prezidente Repúblika (PR), José Ramos Horta, elójia eventu Dili Internasional Maratona 2025 ne’ebé la’o ho susesu.
Eventu ne’e ho tema ‘Halai dedikadu ba Palestina’ reprezenta kompromisu ida atu promove pás no selebra Timor-Leste nia adezaun tomak ba Asosiasaun Nasaun Sudeste Aziátiku (ASEAN–sigla ingleza), hatudu kompromisu ba kompromisu rejionál no koezisténsia pás nian.
“Eventu ne’e ohin dadeer partisipa husi atleta rai-laran no rai-li’ur. Buat hotu la’o di’ak tebes. Ha’u agradese ba partisipante sira hotu iha maratona no partisipante sira ho atividade komersiál, espozisaun, artezenatu,” PR Horta hato’o bainhira entrega prémiu ba manán-na’in eventu ne’e iha Palásiu Prezidensiál, Bairru Pite, Sábadu ne’e.
Nia agradese Ministéiru Juventude, Desportu, Arte no Kultura (MJDAK), Federasaun Atletizmu maski rekursu limitadu, más ho esforsu organiza eventu referidu.
Iha fatin hanesan, Ministru Juventude, Desportu no Arte Kultura, Nelyo Isaac Sarmento, lori Governu hato’o agradesimentu ba komunidade iha Dili, patrosinadór sira hotu ninia partisipasaun no kontribuisaun lori eventu ne’e la’o ho di’ak.
Governante ne’e parabeniza atleta vensedór sira hotu iha eventu internasionál no espera iha tinan oin bele partisipa liután.
Entrega prémiu
Eventu maratona ne’e hahú husi tuku 06:00 dadeer no ramata iha tuku 11:00 ne’ebé partisipa husi atleta hamutuk 1.700 maihusi rai-laran no rai-li’ur hanesan Nusa Tengara Timur (NTT), Indonézia, Japaun, Malázia, ho modalidade haat ba kilómetru 42, 21, 10 no tolu.
Ba modalidade paralímpiku kilómetru 10 ba mane, vensedór primeiru lugár mak Teófilo Freitas, segundu lugár Agostinho da Conceição, terseiru lugár Simão dos Santos, kuartu lugár Petro Toni no kintu lugár Meliano Tilman.
Ba feto, primeiru lugár Adalzija Sanches dos Santos, segundu lugár Mónica Correira, terseiru lugár Julmira Laurentina, kuartu lugár Dircia Fátima Amaral, kintu lugár Levanita da Costa. Prémiu ba manán-na’in simu medalla no osan husi $600-$1000.
Ba iha modalidade meia kategória mane kilómetru 21 nivel nasionál, primeiru lugár Vitorino da Costa, segundu lugár Estaque Carlos, terseiru lugár Pascoal de Jesus, kuartu lugár Estevano Martins, kintu lugár Filipe Martins, sestu lugár Elizário da Cruz, sétimu lugár Cornélio da Cruz, oitavu lugár Fortunato Soares, nonu lugár Emanuel Lekuer, désimu lugár Basílio da Conceição.
Ba feto, primeiru lugár Lígia Correira, segundu lugár Donita Fátima Amaral, terseiru lugár Élia Exposto, kuartu lugár Angélica Soares Pinto, kintu lugár Rúbia Fátima Martins, sestu lugár Sandra Exposto, sétimu lugár Marigina da Silva, oitavu lugár Junisia da Silva, nonu lugár Felismina dos Santos Babo, désimu lugár Dilvasia da Silva Ximenes. Prémiu mak medalla no osan husi $200-$2000.
Enkuantu, kategória meia maratona internasionál kilómetru 21 ba mane, vensedór primeiru lugár Mateus Ui, segundu lugár Marcelino Falo no terseiru lugár Sogi Olsiro. Hetan medalla no osan husi $500-$2.000.
Notísia relevante: https://tatoli.tl/2025/10/10/xefe-estadu-lansa-expo-dili-internasional-maratona-2025/
Ba fali kategória full maratona kilómetru 42, ekipa nasionál mane primeiru lugár Jonito Fernandes, segundu lugár Francisco dos Santos, terseiru lugár Rogerio Maubui, kuartu lugár Jaqueu de Deus, kintu lugár Rosalina de Jesus Ximenes, sestu lugár Felisberto de Deus, sétimu lugár Anacleto Pereira, oitavu lugár Zeferino Guterres, nonu lugár Marcos de Araújo no désimu lugár Simão Gama Gonçalves hodi hetan medalla no osan husi $200-$40000.
No modalidade meia maratona internasionál feto, primeiru lugár Matilda Oriani, segundu lugár Alsonio Bee, terseiru lugár Zesi Atris, hetan prémiu medalla no osan $1000-2000.
Ba kategória full maratona kilómetru 42 internasionál mane, primeiru lugár Sardianus Sanam, segundu lugár Difta Ibdula no terseiru lugár Haldan Zefri ne’ebé hetan medalla no osan $2000-$4000.
Ba feto, full maratona internasionál primeiru lugár Olívia Savi, segundu lugár Maria Ciprianto hetan medalla no $4000-$3000
Ikusliu, modalidade full maratona nivel nasionál feto, primeiru lugár Abilia de Jesus, segundu lugár Ángela Freitas de Araújo, terseiru lugár Juvita Soares, hetan medalla no osan $3000-$4000.
Atleta paralímiku, Teófilo Freitas,
agradese ba inisiativa husi Prezidénsia Repúblika no Governu realiza atividade ne’e hodi envolve mós ema ho defisiénsia.
“Ha’u kontente sai kampiaun ba iha eventu Dili Maratona ida-ne’e iha kilómetru 10,” nia espresa.
Nune’e mós, altera husi NTT, Sardianus Sanam ne’ebé sai kampiaun ba maratona kilómetru 42 kategória internasionál hato’o agradesimentu ba Governu Timor-Leste bele konvida partisipa iha eventu ne’e.
Nia dehan, la fásil hetan rezultadu tanba todan, nune’e ne’e hanesan estraordinária.
Iha eventu ne’e aprezenta esfile moda husi timoroan sira-ne’ebé promove tais orijinál, no atuasaun muzikál ho seluk tan, partisipa husi korpu diplomátiku, komunidade no konvidadu sira seluk.
Jornalista: Nelson de Sousa
Editór: Xisto Freitas da Piedade
