DILI, 13 Outubru 2025 (TATOLI)—Deputadu Bankada Kongresu Nasionál rekonstrusaun Timoroan (CNRT), Maria Gorumali Barreto preokupa tanba iha fatin balun iha munisípiu Bobonaru, ema harii uma iha natar laran.
“Ha’u preokupa natar sira iha munisípiu liuliu Bobonaru, husi Tunubibi bá Soso no Ramaskora Maliana iha parte ne’ebá ema uza ona natar ne’e harii fali uma, ha’u-nia preokupasaun mak ne’e natar mak ita uza harii fali uma ne’e sai ameasa boot ba seguransa alimentár, produsaun haree menus kontinua dependénsia maka’as ba importasaun,” Deputada Maria Gorumali hateten liuusi sesaun plenária, Segunda ne’e.
Notísia relevante : PM Xanana hatuur fatuk dahuluk ba projetu irrigasaun Maliana II
Biban ne’e, nia husu ba Ministériu Agrikultura, Pekuária, Peska no Floresta (MAPPF) atu tau-atensaun tanba foin lalais Governu lansa ona irrigasaun Maliana II.
“Natar ema utiliza halo uma fali, bainhira irrigasaun ne’e di’ak natar laiha ona, ida-ne’e fó impaktu ba polítiku Governu nian atu hasa’e produsaun hare iha rai-laran,” nia akresenta.
Vise-Ministru Asuntu Parlamentár, Aderito Hugo hateten kestaun sira ne’e nia anota no sei relata ba ministériu relevante hodi fó resposta.
Jornalista : Arminda Fonseca
Editora : Julia Chatarina
