DILI, 14 Outubru 2025 (TATOLI)—Polísia Nasionál Timor-Leste (PNTL) prefere koloka membru balun iha Portu Tibar kodi kontrola atividade importasaun no esportasaun.
Diretór Servisu Investigsaun Kriminál Superintendente Xefe Polísia João Belo dos Reis dehan, empreza internasionál mak daudaun ne’e jere Portu Tibar, maibé ba oin tenke kokoka ona membru Polísia hodi koordena ho Autoridade AduaneiraAlfándega.
“Ami husu kleur ona atu destaka ami-nia ekipa iha Portu Tibar hodi nune’e manifestu ka dokumentu hotu ne’ebé mak tama pelu menus Autoridade Seguransa bele hatene, sasán sira ne’ebé tama liuhusi scan ka lae, ne’e Autoridade Seguransa tenke hatene,” João Belo hateten ba jornalista sira liuhusi konferénsia imprensa ne’ebé hala’o iha Komandu Jerál PNTL, Kaikoli, Tersa ne’e.
Notísia relevante : PNTL apreende sigaru illegál hamutuk kaixa 420 importadu husi Kambódia
Nia konsidera, parte seguransa presiza hatene movimentu sasán, nune’e bele halo prevensaun sira ba buat hirak ne’ebé fó perigozu ba nasaun.
“Saida de’it mak iha kategoria kontra-bandu ami tenke hatene no saida saida mak la tuir lei, Autoridade Seguransa halo kedan intervensaun emediatu,” nia akresenta.
Superintendente Xefe Polísia João Belo dos Reis rekoñese, sasán kontra-bandu barak mak tama liuhusi Portu Tibar,
“Iha semana kotuk ita halo apreensaun ba sigarru ilísitu no foin daudaun ita halo tan apreensaun ba sasán seluk tán,” nia tenik.
Jornalista : Natalino Costa
Editora : Julia Chatarina
