Hospitál Pediatria andar lima iha HNGV sei inaugura iha Dezembru 2025
DILI, 16 Outubru 2025 (TATOLI)—Ministra Saúde, Elia dos Reis Amaral, hateten iha fulan-Dezembru mai ne’e nia garante katak Hospitál Pediatria ho andar lima iha Hospitál Nasionál Guido Valadares sei hetan inaugurasun.
“Tuir infomasaun ne’ebé mak iha semana rua liu ba katak hospitál pediatria andar lima ne’e iha ona 40%-resin, tanba fiar katak iha fulan-Demzembru ne’e ita bele inaugura ona,” Elia dos Reis Amaral hateten ba ba jornalista sira iha HNGV, Bidau, ohin.
Iha fatin hanesan, Diretór Servisu Apoiu Diagnóstiku no Terapeutiku, Vidal de Jesus Lopes informa, hateten hanesan mensiona ona beibeik ona katak uma pediatria andar lima ne’e sei inagura iha fulan-Dezembru tinan ne’e, maibé depende karik inaugura iha Janeiru 2026 bele utiliza ona.
“Sim, hanesan ha’u mensiona ona beibeik, iha okaziaun balun ba andar lima ne’e, Dezembru sei inagura no Janeiru ita uza ona. Depende, se fizikamente, andar lima ne’e prontu ona, instala fasilidade sira-ne’e hotu, imidiatamente ita bele uza,” Vidal de Jesus Lopes hateten.
Nia haktuir, ekipamentu barak mak sei prienxe iha pediatia andar lima, nune’e atu utiliza ba pasiente sira.
“Buat barak mak ita sei prienxe iha laran, fasilidade ekipamentu médiku ne’e, buat ida husi sempre to’o sufistikadu. Ohin ita tau mós ema tebes hatene operasionáliza, sasán sira-0ne’e lá’os fasil, ita sei fazeadamente. Ami mós hanoin kona ona to’o iha ne’ebá, atu nune’e to’o iha loron ne’e, ita ekipa mós bele inaugura ho di’ak no loron hirak tuir ita bele uza kedas,” nia dehan.
Jornalista : Felicidade Ximenes
Editór : Cancio Ximeens
