MD prevee millaun $5 ba manutensaun ró militár Jaco no Betano
DILI, 23 Outubru 2025 (TATOLI)-Ministériu Defeza (MD) iha proposta Orsamentu Jerál Estadu (OJE) 2026 prevee millaun $5 hodi halo manutensaun ba ró militár Jaco no Betano.
Ministra Finansa, Santina Cardoso, justifika katak proposta OJE 2026, liuliu verba ba bens no serbisu ne’ebé hetan alokasaun millaun $839,2 iha aumentu 12,6% kompara ho OJE 2025.
“Ba bens no serbisu iha millaun $5, ita aloka ba ró Jaco no Betano”, nia hateten liuhusi audiénsia públika ba proposta OJE 2026 ho Parlamentu Nasionál, ohin.
Lembra Komisaun B iha Parlamentu Asuntu Negósiu Estranjeiru no Defeza ho Seguransa halo ona fiskalizasaun hodi observa direta kondisaun ró militár ne’ebé avaria durante tinan barak no nesesita duni alokasaun orsamentu ba manutensaun nian.
Notísia relevante: https://tatoli.tl/2025/03/19/komisaun-b-ro-militar-jaco-presiza-halo-tan-manutensaun/
jornalista: Nelson de Sousa
Editora: Maria Auxiliadora
