Autoridade lokál iha Kovalima tuir formasaun kona-bá igualdade jéneru
KOVALIMA, 28 Outubru 2025 ( TATOLI) –Autoridade lokál hanesan Xefe Suku no Sekretáriu suku sira ne’ebé maka pertense ba munisípiu Kovalima tuir formasaun durante loron ida kona-bá Abordajen Iguldade Jéneru.
“Ita-nia formasaun ida-ne’e husu ita hotu partisipa ativa iha formasaun ba lidér lokál no sekretáriu suku sira kona-bá abordajen igualdade jeneru ni’an”, Reprezentante Prezidente Autoridade Munisípiu Kovalima, Rosita Semei Amaral Freitas , hato’o liuhosi dirkursu iha salaun AMC.
Autoridade Kovalima fasilita formasaun ho intensaun atu hasa’e lidér lokál no sekretáriu suku sira-nia koñesementu kona-ba abordajen igualdade jéneru, nune’e sira bele kontinua partilla informasaun ba komunidade sira.
Asuntu igualdade jéneru atu halo promosaun ba situasaun moris iha situasaun seguru no amigavel hodi kontribui armonizasaun iha família ida entre ema umanu, maibé difisil atu prátika tanba liga kultura.
Iha biban hanesan, Xefe Suku Mape, Francisco Pereira, reforsa katak lidér lokál sira presiza tuir duni formasaun kona-bá igualidade jeneru, nune’e bele iha koñesementu bainhira akontese kazu ruma karik hanesan lidér lokál kontinua rezolve ou bele prosesa tuir lei.
“Ita ko’alia kona-ba igualidade jéneru ko’alia entre feto ho mane, alende fasilita formasaun ba xefe suku sira presiza mós formasaun ba xefe aldeia sira tanba molok atu to’o suku xefe aldeia maka rezolve problema”,nia dehan.
Notisia relevante:Komisaun F no UN Women diskute kooperasaun serbisu promove igualidade jéneru
Jornalista:Celestina Teles
Editór:Florencio Miranda Ximenes
