DILI, 04 Novembru 2025 (TATOLI) – Governu delibera hodi ratifika Akordu Kooperasaun iha Área Defeza nian entre Governu Malázia no Repúblika Demokrátika Timor-Leste.
Tuir dokumentu ne’ebé Tatoli asesu, objetivu prinsipál sira husi akordu ne’e maka hametin relasaun bilaterál iha área militár, liuliu liuhusi diálogu polítiku-estratéjiku regulár, fahe informasaun no esperiénsia sira, interkámbiu pesoál no formasaun téknika no mós militár, hala’o ezersísiu hamutuk no kooperasaun iha área siénsia, teknolojia no indústria defeza nian.
Dokumentu ne’e mós rekoñese knaar Malázia nian nu’udar parseiru defeza konfiavel Timor-Leste nian dezde restaurasaun independénsia, ne’ebé reafirma kompromisu husi Governu rua ne’e hodi promove pás, seguransa no estabilidade rejionál iha ámbitu ASEAN, ne’ebé Timor-Leste agora sai membru plenu direitu.
Notísia relevante: PN ratifika akordu aéru entre TL ho Malázia
Jornalista: Arminda Fonseca
Editora: Maria Auxiliadora
