Postu tratamentu Bebonuk menus vasina rotavirus
DILI, 06 Novembru 2025 (TATOLI)—Responsabilidade ba Postu tratamentu Bebonuk, Agusta da Costa Gomes, hateten to’o oras ne’e vasina rotavirus estoke menus.
Estoke vasina rotavirus iha postu tratamentu Bebonuk to’o agora estoke menus maske iha loron 10 Outubru tinan ne’e parseiru UNICEF hatama tiha ona vasina rotavirus mai Timor-Leste maibé to’o agora postu tratamentu Bebonuk seidauk hetan vasina refere.
“Kona-ba vasina rotavirus tuir infomasaun ne’ebé mak iha katak vasina rotavirus tama ona maibé to’o agora postu tratamentu Bebonuk ne’e vasina rotavirus estoke out nafatin,” Responsabilidade ba Postu tratamentu Bebonuk, Agusta da Costa Gomes, hateten iha Bebonuk, ohin.
Nia dehan maske iha ona infomasaun iha maibé sira seidauk simu infomasaun tanba durante hatene de’it makvasina rotavirus ne’e estoke out iha nasionál.
Antes ne’e. Reprezenta UNICEF iha Timor-Leste, Patriza DiGiovanni hateten kona-ba vasina rotavirus sei to’o iha 09 Outubru 2025 vasina ne’e sei to’o Timor-Leste.
“Ami hakarak esplika situasaun ne’ebé defisil tebes ho rotavirus, tanba ne’e ha’u kontente tebes atu anunsia katak to’o 09 Outubru, ami sei hetama vasina rotavirus iha nasaun ne’e. Siginifika iha 09 Outubru ne’e semana rua nia laran tan,” Reprezenta UNICEF iha Timor-Leste, Patriza DiGiovanni, hateten ba Jornalista sira hafoin entrega Vasina pfizer ba INFPM.
Nia dehan, UNICEF laiha dúvida katak vasina daudaun ne’e la’o ne’e, se la to’o iha loron 09, mak sei tentativa katak iha loron 10 Outubru sei to’o iha ne’e.
“Se lai to’o iha loron 10, tan ne’e mak ha’u rasik dehan tentativa, tan ne’e la’o daudaun. Tan ne’e laiha diskusaun ida mak sei la mai. Vasina sira-ne’e, UNICEF hetan mak liuhusi divizaun fornesementu ida-ne’e mak loos husi nasaun India, maibé liu husi ami-nia armazén Copenhagen, hanesan ita-nia prosedimentu baibain, nu’udar fornesedór India,” nia dehan.
Nia informa, UNICEF komprende katak iha problema maibé hanesan ko’alia ona, tanba iha vasina balun ne’ebé sensitivu loos tenke lori tempu.
“Ha’u-nia komprensaun mak hanesan vasina no vasina balun sensitivu liu fali sira seluk, tan ne’e tenke lori tempu. Nune’e, ami hein hela Governu tanba ami haruka ona ba governu atu fó hatene ami vasina ida-ne’ebé mak aseitavel, tanba iha stock iha nivél internasionál husi vasina ne’e la iha, maibé ami konsege hetan vasina ne’e mak ho tipu F5,” nia informa.
Tanba ne’e, UNICEF husu ba komunidade sbainhira vasina ne’e to’o iha Timor-Leste, inan-aman sira bele lori labarik sira ba simu vasina, no vasina refere nia durasaun tinan ida.
“Tan ne’e, ami agradese tebes ba serbisu haklaken, no vasina refere sei to’o tinan ida. Maibé ami husu ba média sira favór ida fó-hatene ba komunidade sira hotu katak bainhira vasina to’o Timor sira tenke lori labarik sira mai hetan vasina ho loos,” nia hateten.
Jornalista : Felicidade Ximenes
Editór : Cancio Ximenes
