DILI, 10 Novembru 2025 (TATOLI)—Ekipa S’amuser FC marka record iha kompetisaun Liga Futeból Timor-Leste hafoin jogu jornada datoluk hikis Kulugisa FC ho skor boot 24-0 ne’ebé hala’o iha Estádiu Munisipál Dili, Sábadu (08/11/2025).
S’amuser FC ne’ebé kolleta ona pontu neen (6) durante jogu jornada daruak, tun iha kampu fiar aan no lori rezultadu ne’ebé konsideradu marka istória foun iha kompetisaun alta primeira divizaun LFFTL bainhira hasoru ekipa husi Munisípiu Baukau Kulugisa FC.
Golu hirak-ne’e prodús iha primeira parte ho skor 13-0 ne’ebé enxe husi jogadora sira hanesan Nívia Bahkita iha minitu 4, 8, 12 no 32, Natália Lawa iha minutu 20, 24, 38 no 40, Benigna Liana iha minutu 14, Dolores Costa 19 no Godelivia Martins minutu 34.
Enkuantu, iha parte daruak, jogadora hirak-ne’e kontinua prodús golu 11 iha ne’ebé enxe husi jogadora Nívia Bahkita iha minutu 49, 51, 55, 66 no 87, Natália Lawa aumenta golu ida iha minutu 46, Benigna Liana iha minutu 64, 47 no Demevia Branco iha minutu 41.
Ho rezultadu golu referidu, S’amuser FC provizoriamente lidera tabela klasifikasaun ho pontu sia (9), rezultadu husi manán tolu ho produtividade golu +31, enkuantu Kulugisa FC iha pozisaun dasanuluk ho pontu 0, rezultadu husi derrota tolu (3).
Jornalista: Natalino Belo
Editór: Xisto Freitas da Piedade
