HNGV nafatin simu preokupasaun husi pasiente sira relasiona ho atendementu
DILI, 11 Novembru 2025 (TATOLI)—Diretór Kliniku Hospitál Nasionál Guido Valadares (HNGV), Arcanjo Nunes, hateten HNGV nafatin simu preokupasaun sira-ne’ebé mak pasiente sira hato’o relasiona ho atendementu sira.
“Ami nafatin simu preokupasaun sira-ne’ebé mak hato’o husi pasiente sira relasiona ho atendementu liu-liu ba sira-ne’ebé la satisfsz, entaun ita forma keixa saida deit mak husi pasiente no ita tenke buka tuir nia fukun sira -e’e husi ne’ebé. Entaun, ita nafatin konsdiera sira-nia preokupasaun,” Arcanjo Nunes dehan ba jornalista sira, ohin.
Nia informa, iha keixa ruma tenke iha mós evidénsia tanba HNGV hanesan sentru atendementu tersiáriu iha Timor-Leste.
“Médiku sira iha HNGV sira mak sai toma responsabilidade direta ba pasiente sira no iha insidénsia ruma iha karik ita presiza atu fó informasaun ne’ebé mak klaru hodi konsulta hodi bele hadia sasán sira. Maibé husi parte diresaun kliniku nafatin simu hodi hadi’a no nafatin fó solusaun, nune’e labele afeta atendementu ladi’ak ba pasiente, maibé nafatin atende populasaun sira ho di’ak,” nia hateten.
Nia haktuir, estudante sira ne’ebé halo estajiadu iha HNGV hanesan enfermeira, parteira, tékniku aliadu, maibé responsabilidade primeiru ba pasiente ne’e mak espesialista nia liman, entaun espesialista iha dever tomak atu responsabiliza kualker konsuta médika, ne’ebé mak halo ba pasiente, depois halo servisu grupu ho mediku jerál sir hodi bele evita kualker tipu mápartika ne’ebé akontese.
Jornalista : Felicidade Ximenes
Editór : Cancio Ximenes
